Hádegisfréttir

Hádegisfréttir 30. mars 2026

Rússneskt olíuskip nálgast austurströnd Kúbu. Bandaríkjaforseti segist ekki ætla að stöðva það – en þegar aðgerðum Bandaríkjanna í Íran er lokið sé Kúba næst.

Rússneskt olíuflutningaskip hefur síðustu daga verið yfir sæstreng milli Íslands og Írlands. Yfirvöld hér á landi og á Írlandi vita af ferðum skipsins en geta ekkert aðhafst þar sem það er utan efnahagslögsögu ríkjanna.

Nýleg úttekt á starfsumhverfi Háskólans á Bifröst varpar ljósi á mikla vanlíðan eftir siðanefndarmálið. Algjört rof hefur orðið á trausti, að mati margra starfsmanna.

Lögreglan á Suðurnesjum rannsakaði eigendur fósturheimilisins Gauksstaða í Garði vegna áskana um harðræði í garð vistbarna. Rannsóknin var felld niður vegna skorts á sönnunargögnum.

Maður sem ákærður er fyrir að drepa kunningja sinn á Kársnesi í Kópavogi í nóvember neitaði sök við þingfestingu í morgun.

Formaður félags sjúkraþjálfara segir nýju samvinnuverkefni sjúkraþjálfara og Landspítala ætlað að stytta biðtíma og draga úr álagi á bráðamóttökunni. Verkefnið fer af stað í apríl.

Bæjarfulltrúar á Höfn í Hornafirði báðust afsökunar á íbúafundi um umdeild gistihús við Skaftafell, og vilja byggja upp traust á ný.