Hádegisfréttir

Hádegisfréttir 25. júlí 2025

Öllum sjómönnum hjá sjávarútvegsfyrirtækinu Einhamar Seafood í Grindavík var sagt upp um mánaðamótin. Formaður Sjómanna- og vélstjórafélags Grindavíkur segir hljóðið þungt í félagsmönnum.

Óvinsældir stjórnarandstöðunnar á Alþingi eru í sögulegu hámarki og langtum fleiri eru ánægðir með störf ríkisstjórnarinnar en stjórnarandstöðunnar.

Fjórðungur barna og þungaðra kvenna á Gaza er vannærður og ísraelsk stjórnvöld svelta fólk vísvitandi, segja Læknar án landamæra. Bandarísk stjórnvöld mótmæla áformum Frakklandsforseta um að viðurkenna Palestínu sem sjálfstætt ríki.

Evrópusambandið hefur tilkynnt EES ríkjunum að lágmarksverð verði sett á kísiljárn og tengdar vörur frá Íslandi og Noregi. Það boðar ekki gott fyrir tilraunir ríkjanna til fá skjól fyrir verndartollum Evrópusambandsins.

Virkni í eldgosinu á Reykjanesskaga er svipuð og verið hefur. Enn gýs úr einum gíg og hraun rennur áfram til austurs og suðausturs. Gasmengun berst til norðvesturs fram yfir hádegi.

Það verður líf og fjör um allt land um helgina – árlegar hátíðir og stórtónleikar í Vaglaskógi draga að þúsundir gesta. Skipuleggjendur minna á að kynna sér umferðarstjórnun og leiðbeiningar.

Breiðablik er eitt á toppnum í Bestu deild kvenna í fótbolta eftir sigur á Þrótti í gærkvöld. Leið dagsins í Frakklandshjólreiðunum var breytt vegna smitsjúkdóms í kúm.

Frumflutt

25. júlí 2025

Aðgengilegt til

Rennur ekki út

• 00:01:32 Öllum sjómönnum sagt upp hjá Einhamri
• 00:03:43 Óánægja með stjórnarandstöðuna
• 00:06:06 Hungur aldrei meira á Gaza
• 00:08:26 EES fær ekki undanþágu
• 00:10:18 Leggja til aukinn þorskkvóta
• 00:12:16 Gasmengun og staða á gosi
• 00:13:15 Úkraína
• 00:13:57 Bandaríkjaforseti og Seðlabankastjóri þrætta
• 00:15:33 Enginn hefur haft samband við borgaraþjónustu
• 00:16:09 Samgöngur í Vaglaskógi
• 00:18:17 Íþróttir

Útvarpsfréttir.