Hádegisfréttir

Hádegisfréttir 21. júlí 2025

Efnahagsþvinganir Evrópusambandsins gegn Rússum ná yfir íslenskt fyrirtæki. Rússnesk útgerð keypti meirihluta í fyrirtækinu skömmu fyrir innrásina í Úkraínu. Skip hennar eru talin hluti af skuggaflota Rússa.

Mikil gasmengun er á höfuðborgarsvæðinu, sú mesta sem mælst hefur frá því að eldsumbrotin hófust á Reykjanesskaga. Vinnuskólar í Hafnarfirði og Reykjavík eru lokaðir.

Framleiðsla kísilverksmiðju PCC á Bakka við Húsavík var stöðvuð í gær. Forstjóri fyrirtækisins vonar að starfsemi hefjist á ný í byrjun næsta árs.

Ísraelsher hefur hafið landhernað í borginni Deir al-Balah á Gaza, í fyrsta sinn frá því að stríðið hófst. Yfirvöld á Gaza segja að nítján hafi dáið úr hungri síðasta sólarhring.

Hætta skapaðist þegar maður stal bíl á lokuðu svæði Keflavíkurflugvallar í gær og ók yfir flugbraut þar sem verið var að undirbúa flugtak.

Utanríkisráðherra mætir á fund utanríkismálanefndar Alþingis í dag til að upplýsa þingmenn um fyrirhugaðar viðræður Íslands og Evrópusambandsins um öryggis- og varnarmál.

Og bandaríski kylfingurinn Scottie Scheffler er að spila sig inn á lista yfir bestu kylfinga sögunnar.

Frumflutt

21. júlí 2025

Aðgengilegt til

Rennur ekki út

• 00:01:21 Vélfag sætir refsiaðgerðum
• 00:03:40 Gosið og mengun
• 00:05:57 Forstjóri PCC um framleiðslustöðvun
• 00:07:51 Viðbrögð frá Húsavík
• 00:10:04 Aukinn landhernaður á Gaza
• 00:12:07 Stal bíl á Keflavíkurflugvelli
• 00:13:18 Fundur utanríkismálanefndar Alþingis
• 00:14:48 Aserbaísjan hyggst kæra Rússa og segir Úkraínu að
• 00:16:17 Eldur hjá Íslenska gámafélaginu
• 00:17:38 Bætur vegna særinga
• 00:18:55 Íþróttir

Útvarpsfréttir.