Hádegisfréttir

Hádegisfréttir 24. júlí 2025

Ársverðbólgan hjaðnaði lítillega í júlí en fátt bendir til þess að hún sé á undanhaldi. Frekari stýrivaxtalækkanir á þessu ári eru nær útilokaðar að mati hagfræðings.

Taílendingar og Kambódíumenn saka hvorir aðra um að hefja átök sem blossuðu upp á milli ríkjanna í morgun. Minnst ellefu almennir borgara hafa verið drepnir.

Dregið hefur úr virkni gossins á Reykjanesskaga. Áfram gýs úr einum gíg og hraunið rennur til austurs. Gosmóða er víðast hvar á landinu.

Tekjulágir feður eru líklegri til að fullnýta rétt sinn til fæðingarorlofs en tekjulágar mæður. Þetta kemur fram í nýrri ársskýrslu Fæðingarorlofssjóðs.

Stangveiðimenn vilja aðgangsstýringu í veiðiár til að koma í veg fyrir að óæskilegir laxastofnar gangi í þær óhindrað. Veiðimenn kætast ekki þegar hálfrotnaðir hnúðlaxar bíta á.

Sigurgeir Svanbergsson varð að hætta sundi sínu yfir Ermarsund í gær, nálægt ströndum Frakklands. Myrkur og straumar voru þá farin að ógna öryggi hans.

Írar hafa fengið sig fullsadda af því hvernig þeir eru sýndir í bandarískum kvikmyndum. Stikla úr kvikmynd sem líklega verður aldrei framleidd vakti mikla athygli á samfélagsmiðlum á dögunum.

Frumflutt

24. júlí 2025

Aðgengilegt til

Rennur ekki út

• 00:00:00 Helst
• 00:01:23 Verðbólgan hjaðnar
• 00:03:26 Átök milli Kambódíu og Taílands
• 00:05:20 Dregið úr gosvirkni á Reykjanesskaga
• 00:06:23 Þjófnaður í miðborginni
• 00:06:57 Ársskýrsla Fæðingarorlofssjóðs
• 00:08:24 Ný könnun Maskínu
• 00:08:55 ESB með mótvægisaðgerðir
• 00:09:27 Columbia greiðir háa sekt
• 00:10:44 Tekjur Tesla hrynja
• 00:11:22 Sundkappi leggur árar í bát
• 00:13:01 Gylfi Ægisson látinn
• 00:14:43 Vill hamla því að hnúðlax gangi í ár
• 00:16:26 Klisjur æra Íra
• 00:18:18 Kvöldfréttir aftur klukkan 19
• 00:18:34 Íþróttir

Útvarpsfréttir.