Hádegisfréttir

Hádegisfréttir 19. júlí 2025

Sérsveit ríkislögreglustjóra tók þátt í umfangsmiklum aðgerðum lögreglu í miðbæ Akureyrar í gærkvöldi. Fimm voru handteknir vegna gruns um frelsissviptingu.

Mikil neyð ríkir í Suweyda í suðurhluta Sýrlands eftir átök síðustu daga. Yfir níu hundruð manns hafa verið drepin og áttatíu þúsund lagt á flótta.

Tuttugu og átta slösuðust eftir að bíl var ekið inn í hóp fólks í Los Angeles í Bandaríkjunum snemma í morgun. Minnst þrír þeirra eru í lífshættu.

Það gýs enn á tveimur stöðum á Sundhnúksgígaröðinni á Reykjanesskaga. Talsverð gosmóða er yfir landinu og landsmenn hvattir til að fylgjast vel með loftgæðum.

Vinsældir ferðalaga hingað til lands frá suðlægari slóðum eru að aukast og líklegt að fleiri komi hingað í svokallað kælifrí. Ekkert er minnst á kælifrí í markaðssetningu og hjá Íslandsstofu stendur ekki til að breyta því.

Tveimur göngumönnum var bjargað úr sjálfheldu í Ytrárfjalli, norður af Ólafsfirði, í nótt. Beita þurfti öllum helstu brögðum í fjallabjörgunarbókinni í krefjandi aðstæðum, að sögn upplýsingafulltrúa Landsbjargar.

Frumflutt

19. júlí 2025

Aðgengilegt til

Rennur ekki út

Útvarpsfréttir.