Hádegisfréttir

Hádegisfréttir 15.maí 2025

Það er óheppilegt að ríkið framlengi samning við ísraelska greiðslumiðlunarfyrirtækið Rapyd, segir þingmaður Samfylkingarinnar. Ríkisstjórnin sé þegar farin að ræða hvernig brugðist verði við.

Forseti Úkraínu sakar Rússa um að hafa sent varaskeifur til friðarviðræðna, sem áttu að hefjast í Tyrklandi í dag. Óvíst er hvort sendinefndir ríkjanna hittist yfir höfuð.

Margföld eftirspurn er eftir hlut ríkisins í Íslandsbanka. Útboðinu lýkur síðdegis og þá ætti að skýrast hvort allur hlutur ríkisins verður seldur.

Fyrrverandi lögreglustjóri á Suðurnesjum þáði ekki boð dómsmálaráðherra um stöðu lögreglustjóra á Austurlandi.

Þingmaður Framsóknarflokksins vill að Alþingi skoði meðferð Ríkisútvarpsins á upplýsingum um njósnamálið. Menningarráðherra varar alfarið við slíkum afskiptum.

Hratt bætist í virkjunarlón Landsvirkjunar í hlýindunum. Blöndulón er að fyllast sem er óvenjulegt í sumarbyrjun. Það gæti aukið svigrúm til orkusölu; jafnvel til fiskimjölsverksmiðja sem hafa þurft að brenna olíu.

Hitamet gætu fallið í sumarblíðunni í dag. Búist er við að hiti fari yfir 20 stig í öllum landshlutum.

Fram og Valur mætast í kvöld í fyrsta leik úrslitaeinvígis karla í handbolta. Tæp 30 ár eru síðan þessi Reykjavíkurstórveldi mættust síðast í úrslitaeinvígi.

Frumflutt

15. maí 2025

Aðgengilegt til

Rennur ekki út

• 00:01:41 Samningurinn við Rapyd
• 00:03:51 Fundurinn í Istanbúl
• 00:05:56 Mikill áhugi á Íslandsbanka
• 00:08:09 Úlfari bauðst lögreglustjórastaða á Austurlandi
• 00:08:42 Aldrei meira í Blöndulóni
• 00:10:55 Hertar árásir á Gaza
• 00:11:27 Spyr um Kveiksgögnin á þingi
• 00:13:32 Spá óbreyttum stýrivöxtum
• 00:14:05 Jarðskjálftar við Grímsey
• 00:14:42 Fjölgar mest meðal kaþólskra
• 00:15:51 Lítil grafa í tjörninni
• 00:16:24 Veðurfræðingur
• 00:17:54 Landlæknir minnir á sólarvörn
• 00:18:23 Íþróttir
• 00:20:20 Veður
• 00:20:39 Seinni helst

Útvarpsfréttir.