Hádegisfréttir

Hádegisfréttir 22. maí 2025

Þrír slösuðust í alvarlegum eldsvoða í íbúð við Hjarðarhaga í Vesturbæ Reykjavíkur í morgun.

29 börn hafa soltið til bana á Gaza síðasta sólarhring, að sögn heilbrigðisyfirvalda þar. Þótt hjálpargögn séu tekin að berast hrekkur það skammt.

Tveir starfsmenn ísraelska sendiráðsins í Washington voru skotnir til bana í gær. Árásin hefur vakið hörð viðbrögð. Ísraelskir ráðamenn segja stjórnvöld á Vesturlöndum hafa kynt undir gyðingahatri.

Karlmaður fékk lífshættulega áverka í uppgjöri tveggja manna í Úlfarsárdal í gær. Íbúi segir að konur þori ekki að vera einar á ferð í hverfinu.

Til stendur að rífa Kaffistofu Samhjálpar í Borgartúni í Reykjavík í haust og leitað er logandi ljósi að nýju húsnæði. Framkvæmdastjóri Samhjálpar segir óhugsandi að þjónusta kaffistofunnar leggist af.

Stjarnan varð í gærkvöld Íslandsmeistari karla í körfubolta í fyrsta sinn eftir sigur á Tindastóli í æsispennandi oddaleik á Sauðárkróki.