Hádegisfréttir

Hádegisfréttir 2. janúar 2026

Fimm daga þjóðarsorg hefur verið lýst yfir í Sviss vegna mannskæðs stórbruna á nýársnótt. Grunur er um kviknað hafi í - út frá blysum sem kveikt var á innandyra.

Rúmlega sautján hundruð manns sóttu um alþjóðlega vernd hér á landi í fyrra og fækkaði um tvö hundruð milli ára. Langflestir koma frá Úkraínu.

Formaður Neytendasamtakanna segir verðlækkanir á bensíni um áramótin í samræmi við væntingar. Grannt verður fylgst með verðþróun á næstu vikum.

Þingmaður Viðreisnar vill að rannsóknarnefndir verið skipaðar í hvert sinn sem mannskæðar náttúruhamfarir verða. Það gæti hjálpað fólki í sárum.

Neytendur geta búist við því að snjalltæki hækki í verði á næstu mánuðum. Ástæðan er gervigreindarkapphlaupið sem keyrir upp verð á tölvubúnaði.

Erfðaefni ísbjarna er að breytast vegna loftslagsbreytinga. Ný rannsókn sýnir mun á erfðaefni ísbjarna eftir svæðum á Grænlandi.

Undirbúningur íslenska karlalandsliðsins í handbolta fyrir Evrópumótið er formlega hafinn. Á morgun gefst almenningi kostur á að fylgjast með æfingu liðsins.