Hádegisfréttir

Hádegisfréttir 26. desember 2025

Bandaríkjaher gerði loftárásir á Nígeríu á jóladag í samstarfi við nígerísk stjórnvöld. Árásirnar beindust að vígamönnum hryðjuverkasamtakanna sem kenna sig við íslamskt ríki.

Úkraínuforseti ætlar að funda með Bandaríkjaforseta í náinni framtíð í von um að binda endi á innrásarstríð Rússa. Hann segir margt hægt að gera áður en árið er liði.

Kveikt var á olíulömpum, eldað á prímus og spilin dregin fram á Gemlufalli í Dýrafirði þegar rafmagnið fór af á jóladag. Bóndi segir lán að ekki hafi verið kalt í veðri.

Rússneskur stjórnarandstöðuleiðtogi hefur verið dæmdur í sex ára fangelsi, fyrir það sem kallað er réttlæting á hryðjuverkum. Hann kveðst nú ætla í hungurverkfall til að mótmæla dómnum.

Fjöldi fólks var mættur í röð til að komast í sund í Laugardalslaug þegar opnaði í morgun eftir lokun í gær, enda laugarnar ómissandi hluti af jólum sumra. Við kíkjum í pottinn í fréttatímanum.

Og það er ekkert frí í íþróttadeildunum vestanhafs yfir hátíðarnar. Serbinn Nikola Jokic fór hamförum í NBA-körfuboltanum í nótt.