Hádegisfréttir

Hádegisfréttir 17. nóvember 2025

Utanríkisráðherra segir að hagsmunabarátta íslenskra og norskra stjórnvalda vegna verndaraðgerða Evrópusambandsins sé að skila árangri, þótt ekki sé víst með niðurstöðuna. Taka átti endanlega ákvörðun um þessar aðgerðir á fundi í Brussel í morgun, en fundinum hefur verið frestað til morguns.

Lögmaður ungrar konu sem setið hefur í einangrun í fangelsi í nær tíu vikur segir fátt annað í boði en að fara fram á henni verði sleppt. Ekki sé hægt að vista hana á viðeigandi stofnun þar sem slík stofnun sé ekki til.

Bandaríkjaforseta hefur snúist hugur og segist ekkert hafa að fela varðandi Epstein-skjölin og hvetur þingmenn Repúblikana til að samþykkja frumvarp um birtingu þeirra allra.

Fyrrverandi forsætisráðherra Bangladess, var í morgun dæmd til dauða af þarlendum stríðsglæpadómstól fyrir glæpi gegn mannkyni.

Flugumferðarstjórar hafa samþykkt vinnustöðvunaraðgerðir sem samninganefnd þeirra getur gripið til í kjaraviðræðum þeirra og Samtaka atvinnulífsins. Fundað verður hjá ríkissáttarsemjara á morgun.

Innanríkisráðherra Bretlands segir að straumur ólöglegra innflytjenda inn í landið valda upplausn. Innflytjendastefna verður rædd á breska þinginu í dag.

Er þetta það sem við viljum? er heiti plötu sem þekkt tónlistarfólk vinnur saman að, þar á meðal bítillinn Paul McCartney.

Heimir Hallgrímsson, landsliðsþjálfari Íra, segir sigurinn á Ungverjum í gær minna á sigur Íslands á Austurríki á EM 2016. Þjóðirnar keppast nú við að tryggja sér sæti á HM á næsta ári en ljóst er að Ísland verður ekki með.