Hádegisfréttir

Hádegisfréttir 6. ágúst 2026

Ef Ísland gengur í Evrópusambandið færist stór hluti ákvörðunarvalds í landbúnaði til sambandsins. Þetta er mat höfunda skýrslu sem Bændasamtökin létu vinna og birtu í morgun.

Rannsókn vegna gruns um kynferðisbrot gegn barni á leikskóla á Akranesi í vor er komin til héraðssaksóknara. Lögreglan á Vesturlandi lauk rannsókn á málinu undir lok maí.

Atvinnuvegaráðherra segir ítrekuð innbrot og skemmdarverk í eldisbú uggvænlega þróun. Draga á úr þeim viðbúnaði sem verið hefur í Mosfellsbæ frá því að þúsundum minka var hleypt þar úr búrum sínum.

Rússar gerðu árásir á úkraínskar hafnir og aðra innviði í nótt. Í það minnsta tíu voru drepnir og tugir særðust.

Íslendingi í Danmörku var synjað um skráningu á kjörskrá fyrir þjóðaratkvæðagreiðsluna tuttugasta og níunda ágúst. Íslendingar sem eru búsettir erlendis eru skráðir á kjörskrá fyrsta desember, næst eftir að umsókn berst.

Fleiri stúlkur en drengir voru vistaðar á lokaðri deild Stuðla á grundvelli laga um meðferð sakamála í fyrra – ólíkt fyrri árum. Vistunardögum á deildinni hefur fjölgað mikið undanfarin ár.

Bandarísk stjórnvöld hafa endurgreitt fyrirtækjum um 100 milljarða bandaríkjadala vegna tolla sem voru innheimtir áður en Hæstiréttur Bandaríkjanna úrskurðaði þá ólögmæta.

Íslandsmótið í golfi er byrjað. Leikið er á Korpúlfsstaðavelli í fyrsta sinn í þrettán ár. Aðstæður á vellinum eru krefjandi.