Hádegisfréttir

Hádegisfréttir 21. nóvember 2025

Óvíst er hvort samkomulag næst á lokadegi loftslagsráðstefnu Sameinuðu þjóðanna. Ísland er meðal um þrjátíu ríkja, sem ætla ekki að samþykkja lokaályktun nema kveðið verði á um útfösun jarðefnaeldsneytis.

Jafnvægi er að komast á hagkerfið, segir forsætisráðherra um stýrivaxtalækkun Seðlabankans. Hún hefur litlar áhyggjur af minnkandi hagvexti.

Fjöldi barna er á Barnaþingi og vinnur tillögur að því hvernig Ísland getur orðið betra samfélag fyrir börn.

Inflúensa og aðrar umgangspestir herja á landann og álag á heilsugæslu hefur aukist undanfarnar vikur.

Stjórnvöld í Úkraínu ætla ekki að samþykkja nein ákvæði sem brjóta gegn fullveldi landsins í friðarsamkomulagi, segir aðalsamningamaður Úkraínumanna. Áætlun Bandaríkjastjórnar þykir enduróma ítrustu kröfur rússneskra stjórnvalda.

Félags og húsnæðismálaráðherra vonar að tvö frumvörp sem eiga að bæta kjör örorku- og ellilífeyrisþega verði að lögum fyrir jól

Atkvæðagreiðslu í Eurovision hefur verið breytt til að bregðast við óánægju með framgöngu Ísraela í ár.

Málverk eftir Fridu Kahlo var slegið á tæpar fimmtíu og fimm milljónir bandaríkjadala í gærkvöld, Það er hæsta verð sem fengist hefur fyrir listaverk eftir konu.

Meiðsli og veikindi hafa herjað á kvennalandsliðið handbolta sem lagði af stað í morgun á heimsmeistaramótið, sem hefst í Þýskalandi á miðvikudag.