Hádegisfréttir

Hádegisfréttir 28. júní 2025

Ungur öryrki þarf að greiða rúmlega milljón króna til að halda áfram dómsmáli vegna nauðungarsölu á húsi sínu árið 2022. Formaður ÖBÍ segir fatlað fólk eiga erfitt með að leita réttar síns fyrir dómstólum.

Þingfundur hófst klukkan tíu í morgun, en veiðigjaldið er ekki á dagskrá hans. Forseti Alþingis kveðst vonglöð um að lausn sé í sjónmáli um þinglok.

Fyrirhugað er að vísa óléttri konu í hjólastól úr landi, þvert á mat læknis. Konan er í áhættumeðgöngu og er langt gengin með tvíbura.

Búdapest Pride hátíðin, til stuðnings hinsegin fólki, er haldin í dag þrátt fyrir bann ungverskra stjórnvalda. Búist er við metþáttöku.

Þúsundir þyrptust á götur Teheran höfuðborgar Írans í morgun til að minnast herforingja og vísindamanna sem féllu í árásum Ísraels á Íran. Þeir voru bornir til grafar í morgun.

Sérfræðingur í hugverkarétti segir eitt að drekka kaffi úr múmínbolla en annað að opna leiksvæði með múmínturni. Múmínlundur í Kjarnaskógi er mögulega brot á höfundarrétti.