Síðdegisútvarpið

Stafrænt réttarkerfi, viðhald vega og brúðkaupsskipulag

Þrír milljarðar verða settir til viðbótar í viðhald vega á landsbyggðinni árið 2025. Alþingi samþykkti tillögu ríkisstjórnarinnar þessa efnis þegar fjáraukalög voru afgreidd á laugardag. Við ræddum við Eyjólf Ármannsson innviðaráðherra.

Hugbúnaðarfyrirtækið Justikal er nú komið á skrá yfir viðurkennda póstþjónustuaðila hjá Byggðastofnun. Justikal er þekktast fyrir að hanna stafrænt réttarkerfi sem gerir aðilum í dómsmálum kleift að meðhöndla gögn á öruggan og rekjanlegan hátt. Fyrirtækið hefur nú skráð þjónustuna fyrir Öruggar rekjanlegar gagnasendingar sem póstþjónustu hjá Byggðastofnun. Þetta var gert í kjölfar úrskurðar frá Héraðsdómi Suðurlands í dómsmáli. Margrét Anna Einarsdóttir framkvæmdarstjóri og stofnandi Justikal kom til okkar.

Mikill meirihluti félagsmanna samtaka fyrirækja á veitingamarkaði, eða SVEIT er ósáttur við samskipti sín við heilbrigðiseftirlit Reykjavíkur. Einar Bárðarson framkvæmdastjóri samtakanna kom til okkar.

Brúðkaupsskipuleggjendur eru starfsstétt sem maður hélt kannski að væru bara til í amerískum bíómyndum en svo er alls ekki, og þessi þjónusta er í boði her á landi sjái pör ofsjónum yfir því að skipuleggja stóra daginn sjálf. Við fengum Alínu Vilhjálmsdóttur hjá Og smáatriðin til að segja okkur allt um þetta.

Enn er fundað á alþingi, en það gæti dregið til tíðinda á eftir þegar formenn þingflokkanna funda með forseta alþingis. Við fórum yfir stöðuna með Magnúsi Geir Eyjólfssyni fréttamanni