Síðdegisútvarpið

Brúðkaupsskipulag, malarhjólreiðar, Húnavaka og kisur í heimilisleit

EM kvenna í knattspyrnu er enn í fullum gangi þrátt fyrir að stelpurnar okkar séu farnar heim. Helga Margrét Höskuldsdóttir umsjónamaður Stofunnar kom til okkar.

Ein um­fangs­mesta mal­ar­hjóla­keppni Evr­ópu, Rift, fer fram á Hvols­velli um helg­ina, og streyma hundruð er­lendra kepp­enda til lands­ins vegna henn­ar. Við heyrðum í Dönu Rún Hákonardóttur einum skipuleggjenda keppninnar.

Við hringdum á Blönduós til að forvitnast um Húnavöku. Kristín Ingibjörg Lárusdóttir sagði okkur hvað er þar um að vera.

Pink Iceland hefur um árabil aðstoðað útlendinga sem hingað koma til að gifta sig með að undirbúa stóra daginn, og skipuleggja nú um hundrað brúðkaup á ári. Við fengum Hannes Pálsson til að fræða okkur um brúðkaupsskipulagningu, sem er víst álíka stressandi og að fljúga orrustuþotu.

Bergur Vilhjálmsson, sjúkra- og slökkviliðsmaður, mun ljúka göngu sinni frá Goðafossi og að Gróttuvita um sexleytið í dag. Þá hefur hann gengið yfir 400 km til þess að vekja athygli á starfi Píeta samtakanna. Við heyrðum í Bergi þar sem hann var alveg að koma í mark.

Kattholt er fullt um þessar mundir og leita þau nú að fósturheimilum. Við hringjum í Kattholt og heyrðum í Ninju Dögg Torfadóttur forstöðukonu.