Síðdegisútvarpið

HM í handbolta,Margrét Lára Viðarsdóttir og Jói kóngur í Múlakaffi

Talið er að hátt í þúsund íslendingar muni mynda bláa herinn í Zagreb í kvöld þegar íslenska landsliðið í handknattleik mætir Króötum. Sumir eiga bókað far heim á morgun eða sunnudag en aðrir eru í startholunum að fara út ef vel gengur í kvöld. Birgir Olgeirsson er upplýsingafulltrúi Play við heyrðum í honum í þættinum.

Bóndadagur í dag eins og margoft hefur komið fram og nú er komið að stóru þorrablótunum. Það stærsta er haldið í Kópavogi og auðvitað kemur maturinn frá þorrakónginum Jóhannesi í Múlakaffi. Við hringdum í hann og fengum stemninguna í æð.

Strákarnir okkar hafa heldur betur staðið sig vel á Heimsmeistaramótinu í handbolta þar sem þeir eru ósigraðir. Leikgleðin skín í gegn og þeir virðast fullir af sjálfstrausti. Í kvöld munu þeir mæta Króötum á heimavelli þannig að það er óhætt að segja að verkefnið sé ærið. Við ætlum að ræða gleðina, sjálfstraustið, pressuna og væntingar íslensku þjóðarinnar við Margréti Láru Viðarsdóttur sálfræðing hér á eftir.

Á dögunum var nýr sveitastjóri í Grímsnes- og Grafningshreppi ráðin - hún heitir Fjólu St. Kristinsdóttur. Við heyrðum í henni og fengum fréttir af því helsta sem framundan er í starf sveitarstjóra á þessum slóðum.

Og það snýst auðvitað allt um landsleikinn í kvöld og settum við okkur í samband við Einar Örn Jónsson í Króatíu .

En við byrjuðum á Sigtryggi Baldurssyni en Bogomil Font og Greiningardeildin sendir frá sér í dag lagið Bíttu í það súra.

Frumflutt

24. jan. 2025

Aðgengilegt til

Rennur ekki út

Þau Sigríður Elva Vilhjálmsdóttir og Rúnar Róbertsson halda landanum vel upplýstum um menn og málefni á leið úr vinnu í sumar. Þau fylgjast vel með fréttum og dægurmálum og spila nóg af góðri tónlist.