Hádegisfréttir

Hádegisfréttir 7. október 2025

Viðræður um vopnahlé á Gaza halda áfram í Egyptalandi. Tvö ár eru í dag síðan Hamas réðist inn í Ísrael, Ísraelsmenn hófu síðan árásir á Gaza sem standa enn.

Atvinnuráðherra segir boðaðar breytingar á búvörulögum eiga að bæta hag bænda og vísar gagnrýni stjórnarandstöðunnar til föðurhúsanna.

Níutíu og fjögur prósent kennara á Íslandi eru ánægðir í starfi. Áttatíu prósent þeirra eru aftur á móti óánægðir með launakjör, samkvæmt nýrri alþjóðlegri könnun.

Langan tíma gæti tekið að greina hvort riðuveiki sem greindist í Skagafirði í liðinni viku hafi borist víðar. Bændur segja sorg ríkja í sveitinni.

Þrátt fyrir ábendingar og ávítur erlendra eftirlitsaðila undanfarna áratugi, segja fangaverðir og aðstandendur það enn gerast að geðsjúkir fangar, séu vistaðir dögum og jafnvel vikum saman í einangrun.

Forseti Frakklands hefur beðið fráfarandi forsætisráðherra landsins að reyna að bjarga ríkisstjórnarsamstarfinu.

Mun fleiri eru ánægðir en óánægðir með störf ríkisstjórnarinnar, í nýrri könnun Maskínu. Aðeins tólf prósent eru ánægð með stjórnarandstöðuna.

Einn besti körfuboltamaður sögunnar, Bandaríkjamaðurinn LeBron James gæti verið að leggja skóna á hilluna. Hann er stigahæsti leikmaður í sögu NBA- deildarinnar.

Frumflutt

7. okt. 2025

Aðgengilegt til

Rennur ekki út

• 00:01:36 7. október
• 00:04:13 Atvinnuvegaráðherra um búvörulög
• 00:06:02 Skýrsla um menntakerfið
• 00:07:40 Kveikur
• 00:09:34 Hópslys
• 00:10:08 Riða í Skagafirði
• 00:12:14 Frönsk stjórnmál í hnút
• 00:13:55 Halla í Helsinki
• 00:14:37 Íbúi á Stöðvafirði um vatnið
• 00:16:14 Landsþing Miðflokksins
• 00:16:45 Óánægja með stjórnarandstöðu
• 00:17:51 Nóbelsverðlaun
• 00:18:12 Íþróttir

Útvarpsfréttir.