Morgunútvarpið

Landhelgisgæslan,EM í frjálsum,Sævar Helgi og sólmyrkvinn og Eiríkur Bergmann um klofning þjóðar í ESB

Evrópumótið í frjálsíþróttum hefst í Birmingham á Englandi í dag og stendur mótið yfir dagana 10. - 16. ágúst. Ísland á átta keppendur og RÚV sýnir beint frá öllum mótshlutum. Við heyrðum í manninnum sem allt veit um frjálsar íþróttir - geitinni Sigurbirni Árna Arngrímssyni sem mun koma sér fyrir í hljóðstofu RÚV á Akureyri næstu daga og lýsa mótinu.

Okkar maður Sævar Helgi Bragason hefur í nógu að snúast þessa dagana enda styttist í stóru stundina en nú erum bara rúmir tveir sólarhringar í almyrkva á sólu. Sævar Helgi kom til okkar og við tókum sólmyrkvann allar 360 gráðurnar.

Enginn munur er á fjölda þeirra sem hyggjast segja já og þeirra sem ætla að segja nei í þjóðaratkvæðagreiðslu um framhald aðildarviðræðna Íslands við Evrópusambandið 29. Ágúst. Þetta sýna niðurstöður Gallup-könnunar sem birt var fyrir helgi og gerð var fyrir hreyfinguna Áfram Ísland. . Hart er tekist á á öllum vígsstöðvum og mikill hiti hefur færst í umræðuna og svo virðist sem þjóðin sé klofin í tvennt. Við ræddum þessi mál strax að loknum átta fréttum við Eirík Bergmann stjórnmálafræðiprófessor sem skrifaði á dögunum grein í Heimildina sem bar yfirskriftina: Um hvað snýst málið eiginlega? Og það er einmitt það sem við hér í Morgunútvarpinu leitum svara við.

Mikil aukning varð á útköllum hjá Landhelgisgæslunni í sumar og að sögn yfirflugstjóra gæslunnar Sigurðurðar Heiðars Wiium þyrfti að tvöfalda flota hennar og koma upp annarri bækistöð á landsbyggðinni ef vel ætti að vera. Við ræddum stöðu Landhelgisgæslunnar, sumarið og verkefnin við Sigurð Heiðar í þættinum.