Morgunútvarpið

Fréttir vikunnar,ferðasaga frá Kúbu,bolludagsbræður og samgöngumál á Vestfjörðum

Í Morgunútvarpinu í gær heyrðum við í Hildi Ásu Gísladóttur, nemanda í 10. bekk í Bíldudalsskóla, sem hefur þungar áhyggjur af áformum Vegagerðarinnar um að hætta akstri milli byggðarkjarna í Vesturbyggð. Hún skoraði á stjórnvöld að kippa málinu í liðinn og við heyrðum í Gerði Björk Sveins­dóttur, bæjarstjóra Vesturbyggðar og kanna hvar málið er statt. Hvernig stendur á því að svona geti gerst þegar sveitarfélög sameinast?

Flugfélög sem fljúga til Kúbu hafa aflýst flugferðum til og frá eyríkinu sökum eldsneytisskorts. Olía er hætt að berast frá Venesúela og vegna hótana Bandaríkjaforseta um tolla berst olían ekki heldur frá Mexíkó. Í vikunni voru Íslendingar á Kúbu hvattir til að huga að heimför vegna ástandsins og við fengum til okkar Ester Auði Elíasdóttir, sem ferðaðist til Kúbu í janúar og varð vitni að skorti, ótta, niðurníðslu og sorg á meðal íbúa.

Íslenska bolludagsbollan er mikið ólíkindatól og hefur lifað af ýmsa tískustrauma. Einu sinni voru bara tvær bollur í boði: Vatnsdeigs- og gerdeigs- en undanfarin ár hefur bolludagsbollan gengið í gegnum ótrúlegt umbreytingartímabil. Óteljandi tegundir eru í boði og Íslendingar troða bollunum í sig í allavega tvær vikur en ekki bara á bolludaginn sjálfan. En eru blikur á lofti? Vill fólk stælabollurnar eða er einfalda vatnsdeigsbollan með sultu og rjóma að snúa aftur með látum? Við fengum til okkar bræðurnar Þorleif Karl og Henry Þór Reynissyni en þeir standa vaktina í Reynisbakaríi og erum öllum hnútum kunnugir.

Við fórum yfir fréttir vikunnar með Vigdísi Hafliðadóttur og Arnóri Björnssyni en þau frumsýndu á dögunum sýninguna Ekki hugmynd í Borgarleikhúsinu.