Kvöldfréttir útvarps

Já og nei jafnt og áhrif ESB á landbúnað

Ekki er hægt að segja til um hvort fleiri ætli að segja já eða nei við hvort Ísland eigi að hefja á ný aðildarviðræður við Evrópusambandið, samkvæmt nýjum þjóðarpúlsi Gallup. Þjóðaratkvæðagreiðsla verður eftir tvær vikur.

Einn var fluttur til aðhlynningar með sjúkrabíl eftir árekstur á Fljótsheiði í Suður-Þingeyjarsýslu – þar sem fólksbíl var ekið á traktor.

Skýr stefna í landbúnaði og sterk viðvera í Brussel væri nauðsynleg fyrir Íslendinga, ætli þeir sér inn í ESB segir skrifstofustjóri bændasamtaka Svía í Brussel – Meirihluti fulltrúa á aukabúnaðarþingi leggjast gegn viðræðum við ESB, samkvæmt ályktun sem var samþykkt í dag.

Aðstandendur þúsunda skipverja á bandarísku flugmóðurskipi krefja stjórnvöld um skýringar á langri dvöl þeirra um borð. Tveir skipverjar hafa reynt að stökkva fyrir borð og birgðir fara þverrandi.

Íbúar finnsku höfuðborgarinnar Helsinki urðu 700 þúsund í nótt – nýjasti borgarbúinn fékk námsstyrk frá borgaryfirvöldum í sængurgjöf.