Kvöldfréttir útvarps

Stríð, atvinnuleysi í byggingariðnaði, sólmyrkvi og rigningartíð framundan

Donald Trump forseti Bandaríkjanna lýsti yfir í dag að hafnbann á Íran væri komið á að nýju. Bandaríkin ætla að taka yfir Hormússund og leggja gjald á öll skip sem fara um sundið.

Sérfræðingur í málefnum Miðausturlanda segir ekki koma á óvart að vopnahlé ríkjanna hafi farið út um þúfur en telur ólíklegt að allsherjarstríð brjótist út í heimshlutanum.

Verktaki kannast ekki við að byggingafyrirtæki reki faglærða iðnaðarmenn og ráði ófaglærða til að spara byggingarkostnað. Mikið atvinnuleysi er í byggingastarfsemi.

Hótel eru þétt bókuð um allt land dagana í kringum almyrkvann tólfta ágúst. Formaður félags fyrirtækja í hótel- og gistiþjónustu hefur ekki áhyggjur af afbókunum úr þessu.

Von er á mikilli úrkomu víða um land næstu daga. Besta veðrið er áfram á Austurlandi.

Átján ára aldurstakmark hefur verið sett í útiklefum þriggja sundlauga í Reykjavík þar sem ekki er föst viðvera starfsfólks. Þetta er gert til að tryggja öryggi barna í laugunum.

Umsjón: Ásta Hlín Magnúsdóttir

Tæknimaður: Mark Eldred

Stjórn útsendingar: Hildur Sigurbergsdóttir