Við tökum stöðuna fyrir vestan og hringjum í Jón Pál Hreinsson bæjarstjóra Bolungarvíkur.
Við ætlum að rýna í hvaða fólk það er sem Trump verðandi Bandaríkjaforseti hefur raðað í lykilhlutverk umhverfis sig. Friðjón Friðjónsson kemur til okkar.
Sunna Símonardóttir, aðjúnkt í félagsfræði við Háskóla Íslands, verður gestur okkar eftir átta fréttir en hún heldur í dag erindi þar sem spurt er hvort barneignir séu að verða forréttindi sumra.
Þórður Snær Júlíusson, frambjóðandi Samfylkingarinnar fyrir komandi kosningar, hefur beðist afsökunar á skrifum sínum á bloggsíðu fyrir um tuttugu árum. Þar skrifaði hann undir dulnefni niðrandi hluti um konur. Við ætlum að ræða þetta mál við Henry Alexander Henryson, siðfræðing.
Nú í aðdraganda kosninga hefur nokkuð verið rætt um að ríkisútgjöld hafi aukist of mikið. Stefán Ólafsson, prófessor emeritus, skrifaði grein í Morgunblaðið í gær þar sem hann færði rök fyrir því að opinber útgjöld á Íslandi séu með minna móti í samanburði við grannþjóðir okkar í Evrópu. Við ræðum þessi mál við hann.
Við ræðum veðrið og skriðurnar fyrir vestan og hvellinn framundan við Einar Sveinbjörnsson veðurfræðing.
