Kumbiavik er yfirskrift áhugaverðrar matar- og menningarveislu sem haldin verður í miðborg á laugardag. Þar fagnar hópur fólks fjársjóðum Rómönsku Ameríku með lifandi tónlist, plötusnúðum, matarkræsingum, kvikmyndum, dansi og líflegri stemningu fram eftir kvöldi. Ógleymanlegur dagur fullur af fumlausum takti, bragði og menningu. Kumbia er heiti á tónlist og takti frá Kólumbíu og latínó menningu en tónlistarfólk þaðan og frá suður-ameríku mun koma fram á hátíðinni auk fulltrúa íslensku tónlistarflórunnar. Tómas R. Einarsson leikur þar af sinni alkunnu snilli og hin bráðskemmtilega og íslenska cumbia-væna hljómsveit Los Bomboneros mun skemmta. Einn meðlimur Bomboneros, Daníel Helgason veit sitthvað um hátíðina og sagði hlustendum frá.
Tónlistarmaðurinn Emmsjé Gauti er einn þeirra tónlistarmanna sem er á ferð og flugi þetta sumarið. Hann er talinn einn sá duglegasti í bransanum, kemur fram í gríð og erg um allt land og en leyfir sér einnig að fara í frí og heimsækja landið með sínu bestu fólki, fjölskyldunni. Þó svo að Gauti sé mikill rútínumaður og elski vinnuna sína þá var hann þennan morguninn eingöngu að njóta íslensku blíðunnar á hjólhýsaferðalagi um Vestfirði og ræddi við okkur frá hafnarbakkanum á Suðureyri við Súgandafjörð. Emmsjé Gauti ásamt söngvara rokkksveitarinnar Une Misére, Rúnari Hroða, gaf út í morgunsárið lagið Fokka shitti upp og sagði hlustendum frá því lagi og sumrinu sínu.
Tónlist dagsins var sérlega föstudagsvæn:
EMMSJÉ GAUTI - Klisja
MICHAEL KIWANUKA - Cold Little Heart
LAUFEY - Lover Girl
KALEO - Bloodline
THE BLACK CROWES - Hard To Handle
FLOWERING INFERNO - Cumbia Sobre El Mar
LOS BOMBONEROS - La Lavadora
LÓN - Cold Crisp Air
THE SMITHS - There Is A Light That Never Goes Out
JÚLÍ HEIÐAR, RAGGA HOLM - Líður vel
COLDPLAY - Feelslikeimfallinginlove
OF MONSTERS AND MEN - Television Love
Snorri Helgason - Ein alveg
DEPECHE MODE - Enjoy The Silence
MGMT - Time To Pretend
PATRi!K & LUIGI - Skína
LILY ALLEN - Smile
