Hádegisfréttir

Hádegisfréttir 7. nóvember 2026

Kristrún Frostadóttir forsætisráðherra segist opin fyrir viðveru fleiri hermanna á vegum NATO hér á landi til varna en telur ekki þörf á að koma upp nýrri varanlegri herstöð.

Fjöldi Palestínumanna hefur í dag hrakist úr tjöldum sínum vegna mikillar úrkomu. Flætt hefur inn í fjölda tjalda og hvergi skjól að fá.

Maðurinn sem braust inn í svínabú Stjörnugríss sakar fyrirtækið um að ljúga að fjölmiðlum um ástand dýra sinna.

Tækniskólinn krefst tugmilljóna bóta frá Hafnarfjarðarbæ sem stóð ekki við samkomulag um lóð. Nýr skóli gæti risið í Úlfarsárdal eða Keldnaholti.

Forseti Paragvæ er í stofufangelsi og varaforsetinn hefur tekið við embættinu -- eftir að seðlabankinn tók yfir stærsta bannka landsins, sem forsetinn átti hlut í.

Í desember ætti að skýrast hvort gagnaver Eyrie DC rísi á Bakka. Skipulagsráð hefur samþykkt úthlutun lóðar og framundan er að fyrirtækið grafi þar yfir 40 tilraunaholur.

Uppselt er á allar sýningar á söngleiknum Þegar Trölli stal jólunum fram yfir áramót, en söngleikurinn er frumsýndur í Borgarleikhúsinu í dag. Við kíkjum í leikhús í fréttatímanum.