Bæn og hugleiðing að morgni dags.

Fjallað er um vesturíslenska skáldið og háðfuglinn Kristján Níels Júlíus Jónsson, sem kallaði sig Káinn. Sagt er frá kveðskap hans, lesið úr Vísnabók Káins og fjölmörg lög við kvæði hans flutt. Lesarar auk umsjónarmanns eru Margrét Helga Jóhannsdóttir og Sigurður Skúlason.

Umsjón: Sigurður Hróarsson.

(Áður á dagskrá 1989)

Útvarpsfréttir.

Ævar Kjartansson glímir við eðli trúarinnar, einkum þær áherslur sem Páll postuli og Lúther lögðu á mikilvægi þess að trúa á dauða og upprisu Krists fremur en siðferðileg fordæmi, krossfestinguna frekar en Fjallræðuna.

Ævar Kjartansson ræðir við Rúnar Þorseinsson prófessor í Nýjatestamentisfræðum um Pál postula og Rómverjabréf hans.

Umsjón: Kristján Kristjánsson.

frá Veðurstofu Íslands.

Í um 400 ár hafa ábúendur á Loftsstöðum notið sérstakrar verndar Galdra-Ögmundar.

Þau varðveita úr honum annan lærlegginn í lítilli glerkistu undir bókaskáp, og svo lengi sem beinið er á jörðinni ver það þau Tyrkjaránum, sjóskaða, náttúruhamförum og hvers konar mannraunum. En ein er sú vá sem enginn gat séð fyrir…

Þjóðsögur, flókin fjölskyldusambönd og erfðir mætast í þremur þáttum þar sem uppljóstrað er um rúmlega 70 ára gamalt leyndarmál.

Umsjón: Anna Marsibil Clausen

Í miðri leit að uppruna lærleggjanna, berast Sigrúnu nýjar upplýsingar um uppruna sinn.

Tónlist héðan og þaðan

Íslenskt lag eða tónverk.

Útvarpsfréttir.

Bandaríkjaher leitar í kappi við tímann að hermanni sem var um borð í orrustuþotu sem var skotin niður yfir Íran í gær, írönsk stjórnvöld leita hans líka og bjóða borgurum sínum umbun fyrir að finna hann.

Hótanir Bandaríkjaforseta um að draga landið úr Nató geta dregið mjög úr fælingarmætti bandalagsins, segir formaður Varðbergs. Hótanirnar séu stórkarlalegar en hafi mikil áhrif.

Stefnt er að opnun Fjarðarheiðar um eða eftir hádegi. Varað er við erfiðum akstursskilyrðum á Norðausturlandi, Austfjörðum og suður að Höfn fram á páskadagsmorgun.

Landsmönnum sem fara í sólina á Kanaríeyjum um páska fjölgar ár frá ári. Íslensk kona búsett á Tenerife segist heyra íslensku á öðru hverju götuhorni.

Spenna ríkir vegna nýrra þátta um galdrastrákinn Harry Potter, sem sýndir verða um jólin – en þó sömuleiðis reiði, því ekki allir fyrirgefa skoðanir höfundarins J.K. Rowling á réttindabaráttu trans fólks.

Og það er páskadagur á morgun. Við förum í páskaeggjaleit í fréttatímanum.

Illugi Jökulsson gramsar í safnakosti Ríkisútvarpsins.

Bergsteinn Jónsson og Björn Th. Björnsson flytja ýmsan fróðleik um sögu ASÍ og kynningar. Gísli J. Ástþórsson blaðamaður tekur viðtal við Jónas Jónsson frá Hriflu. Stefán Jónsson fréttamaður tekur viðtal við Ottó N. Þorláksson fyrsta forseta ASÍ. Guðgeir Magnússon blaðamaður spjallar stuttlega um gildi vinnunnar og tekur síðan viðtöl við Ingibjörgu Guðmundsdóttur húsfreyju og verkakonu og Ólaf Davíðsson sjómann.

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Þróunaraðstoð hefur dregist mikið saman undanfarið og í raun aldrei minna en á nýliðnu ári. Þjóðir heims forgangsraða þessari aðstoð sífellt aftar á listann. Mest munar þarna um Bandaríkin, sem hafa dregið saman seglin þegar þróunaraðstoð er annars vegar um eina 24 milljarða. Þýskaland, Frakkland, Bretland, Holland, Belgía, Sviss og Svíþjóð hafa gert það sömuleiðis. Og afleiðingar þessara ákvarðana geta haft mikil áhrif á líf fjölda jarðarbúa. Hallgrímur Indriðason fjallar um málið og ræðir við framkvæmdastjóra Mannfjöldastofnunar Sameinuðu þjóðanna.

Það eru að verða 30 ár síðan Harry Potter leit fyrst dagsins ljós í bókinni Harry Potter og Viskusteinninn. Um jólin verða nýir sjónvarpsþættir frumsýndir sem segja söguna upp á nýtt, eins og hún birtist í bókum J.K. Rowling. Ekki eru þó allir á eitt sáttir með nýju þættina og með Rowling almennt. Hún hefur á síðustu árum stundað mótmæli gegn réttindabaráttu trans fólks, einkum og sér í lagi trans kvenna, sem hún segir að sé rekin á kostnað kvenna. Mörgum aðdáendum er svo gróflega misboðið að þeir hafa hætt með öllu að samsama sig galdraheimi Rowling og öllu því sem hún hefur skapað. Oddur Þórðarson fjallar um málið.

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Í Kúrs gerast nemendur við Háskóla Íslands dagskrárgerðarmenn; segja sögur, kafa í fræðin og spyrja spurninga. Leiðbeinendur: Þorgerður E. Sigurðardóttir og Anna Marsibil Clausen.

Í þessum þætti ferðumst við aftur til ársins 2024 og í ferðalag um Bandaríkin. Uppleggið að ferðalaginu var pólitísk forvitni en þegar upp var staðið, sat eitthvað allt annað eftir.

Umsjón: Nanna Guðrún Sigurðardóttir

Árið 1903 hlaut Niels Ryberg Finsen Nóbelsverðlaun fyrir rannsóknir sínar á ljósmeðhöndlun við hörundsberklum og öðrum sjúkdómum. Hann var fyrsti danski handhafi Nóbelsverðlaunanna sem þá voru nýtilkomin og vegna sérsviðs síns var hann gjarnan kallaður ljóslæknirinn. Uppruni Finsens teygir sig þó líka til Færeyja, þar sem hann fæddist, og til Íslands en á hann rætur að rekja til Íslands í föðurætt auk þess sem hann bjó hér um nokkurt skeið og lauk stúdentsprófi frá Lærða skólanum sem þá hét.

Í aðalbyggingu Menntaskólans í Reykjavík er enn minnisvarði um námsár Finsens. Þrátt fyrir það er hann mörgum Íslendingum gleymdur og í þessum þætti verður hans minnst, fjallað um tengslin við Ísland, námsárin og afrekin á sviði læknavísinda.

Umsjón: Jóhannes Ólafsson

Útvarpsfréttir.

Örn Elías Guðmundsson, eða Mugison - er einn af okkar ástsælustu tónlistarmönnum og hefur samið og gefið út margar af þekktustu perlum síðari ára. Á Ariwaves hátíðinni í fyrra steig hann í fyrsta sinn á svið með Sinfóníuhljómsveit Íslands og fór með hjómsveitinni í gegnum tónlistarferilinn sem litast af tilfinningum, dýpt, óvæntum beygjum og einstökum hljóðheimi.

Stjórnandi: Bjarni Frímann Bjarnason.

Hljóðritun frá tónleikum í Eldborg, Hörpu, nóvember 2025.

Um upptöku sá Georg Magnússon, hljóðmeistari útvarpsins.

Steinunn Harðardóttir fjallar um sagnalist og sögumenn. Sagnalist er gömul listgrein sem fylgt hefur manninum um aldaraðir. Sögumenn hafa ávallt verið aufúsugestir og veitt kærkomna afþreyingu. Í þáttunum Sögum og sagnalist mun Steinunn ræða við nokkra sagnamenn nútímans, einn í hverjum þætti.

Þættirnir voru áður á dagskrá árið 2005

Í þættinum er rætt við Sigurbjörgu Karlsdóttur um sagnalistina og áhuga fólks fyrir álfum og huldufólki, og þá ekki síst erlendra ferðamanna. Síðan er haldið með henni í gönguferð á vit álfa í álfabyggðum Hafnarfjarðar.

Fréttir

Fréttir

Veðurstofan varar við austanstórhríð á mánudag, annan í páskum. Búist er við talsverðum samgöngutruflunum þegar von er á fjölmörgum á ferðinni.

Bandaríkjaforseti gefur Íransstjórn tvo sólarhringa til þess að semja um firð, eða opna leiðina um Hormússund - annars fari allt til fjandans.

Bílbeltanotkun ungs fólks hefur dregist saman og bregst Samgöngustofa við með átaki. Fjórtánfalt líklegra er að látast í bílslysi sé bílbelti ekki notað.

Starfsmenn Rarik á Egilsstöðum fengu klukkustundar hvíld á milli útkalla þegar raflínur slitnuðu og staur brotnaði aðfaranótt föstudagsins langa, í erfiðum veðurskilyrðum.

Rútuferðir í Hlíðarfjall gerðu sitt til að draga úr umferðaröngþveiti að skíðasvæðinu í dag.

Inga Huld Hákonardóttir gerði þættina um konur og kristni árið 1994.

Þriðji þáttur:

Í þættinum er sagt frá Vestu og meyjum hennar, Demetru hinni grísku og Ísis hinniegypsku.

Lesari með umsjónarmanni er Kristján Árnason sem jafnframt hefur þýtt hluta frásagnanna.

frá Veðurstofu Íslands

Dánarfregnir.

Tónlist frá ýmsum tímum úr ólíkum héruðum Djasslandsins. Íslenskt og erlent í bland.

Pétur Grétarsson ræðir við Harald Ægi Guðmundsson bassaleikara og tónsmið um hvernig plöturnar hans verða til og hvað drífur hann í tónlistinni.

Tónlistin í þættinum er öll eftir Harald Ægi:

Camino a la Cumbea

Along the river

Svefndans

Dance with me

When it Rains

Líkt og stöndum hér

Þáttur um íslensku og önnur mál.

Umsjón: Anna Sigríður Þráinsdóttir og Guðrún Línberg Guðjónsdóttir

Þótt orðið ske sé lítil þúfa hefur hún oft velt þungu hlassi og í áratugi hefur verið tekist á um ágæti hennar.

Árni Böðvarsson talaði um orðin ske og heldur í þættinum Daglegu málið árið 1955 og í öðrum þætti gerði hann íslenskun erlendra örnefna og staðaheita að umtalsefni.

Umsjón: Melkorka Ólafsdóttir

Umsjón: Melkorka Ólafsdóttir

Hjördís Smith segir frá sínu uppáhalds tónverki.

Hamrahlíðarkórinn syngur Requiem eftir Jón Leifs. Einnig leikur Sinfóníuhljómsveit Íslands Hughreistingu, intermezzo fyrir strokhljómsveit, op.66, eftir Jón Leifs, undir stjórn Osmo Vanska.

Í Sagnaslóð er víða leitað fanga. Sagt er frá mönnum og málefnum fyrri tíma. Umsjónarmenn: Birgir Sveinbjörnsson og Jón Ormar Ormsson

Þættir frá vetrinum 2008-2009

Í þættinum er lesið úr bók Tryggva Emilssonar Fátækt fólk um unglingsár hans í Öxnadal og baráttu við fátæktina . Lesari með umsjónarmanni Bryndís Þórhallsdóttir. Umsjón: Birgir Sveinbjörnsson

frá Veðurstofu Íslands

Svanhildur Óskarsdóttir les sálmana í hljóðritun frá árinu 1998.

Árið 1944 var tekinn upp sá siður hjá Ríkisútvarpinu að lesa alla Passíusálma Hallgríms Péturssonar á föstunni.

Í Litlu flugunni er leikin gamaldags tónlist frá öldinni sem leið: dægurlög, harmóníkutónlist, djass og danslög, með flytjendum á borð við Tónakvartettinn frá Húsavík, danshljómsveit Victors Sylvester, Caterinu Valente og Hauk Morthens.

Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum.

Umsjón: Lana Kolbrún Eddudóttir.

Söngsveitir flytja Doo-Wop lög.

Farið yfir helstu fréttir vikunnar í spjalli við fólkið í fréttunum og fréttaskýrendur.

Gestir Vikulokanna eru Friðjón Friðjónsson borgarfulltrúi Sjálfstæðisflokks, Heimir Már Pétursson framkvæmdastjóri þingflokks Flokks fólksins og Andrés Jónsson almannatengill. Þeir ræddu meðal annars Artemis-II geimferðina, átökin í Mið-Austurlöndum, efnahagsmál, Evrópumál og stöðu stjórnmálaflokka.

Umsjón: Höskuldur Kári Schram

Tæknimaður: Þráinn Steinsson