Kastljós

Kjarasamningar, skaðaminnkandi þjónusta, stopular samgöngur til Eyja, D-vítamín

Breiðfylkingin og Samtök atvinnurekenda hittast á fyrsta fundi sínum hjá Ríkissáttasemjara á morgun eftir að viðræðum var slitið í síðustu viku. Mikil bjartsýni ríkti í aðdraganda viðræðna og stóðu vonir til að samningnar myndu jafnvel nást fyrir mánaðarmót, en líkurnar á því eru hverfandi. Gestur Kastljóss er Vilhjálmur Birgisson, formaður Starfsgreinasambandsins.

Tugir hafa nýtt sér skaðaminnkandi þjónustu lyfjafræðinga sem hefur staðið til boða í Reykjanesapóteki síðustu tvö ár. Lyfjafræðingur sem stendur að verkefninu segir mikinn ávinning að því að fólk með fíkn haldi heilsu og nái bata. Við kynntum okkur málið.

Samgöngur til Vestmannaeyja hafa verið afar stopular í vetur og þolinmæði Eyjamanna er á þrotum. Efnt var til íbúafundar í kvöld með samgönguráðherra og forstjóra Vegagerðarinnar í kvöld en honum var frestað, því ekki var fært til Eyja. Við ræddum við Írisi Róbertsdóttur, bæjarstjóra í Vestmannaeyjum.

Hafnarhús Listasafns Reykjavíkur hefur að stórum hluta verið tekið yfir að ungum myndlistarmönnum á samsýningunni D-vítamín. Kastljós kíkti í heimsókn.