Landakort

Missti tjaldið upp í tré

„Við erum vinkonuhópur sem byrjaði að ganga saman á fjöll og síðan fengum við boð í útileguafmæli hjá einni úr hópnum og þá varð ekki aftur snúið," segir Hafdís Huld Björnsdóttir, en hún og fjórar aðrar útilegukonur settu sér það markmið í byrjun árs að sofa í tjaldi allavega eina nótt í hverjum mánuði allt þetta ár. Það gekk eftir hjá þeim stöllum og síðasta útilega ársins var í skóginum á Fossá í Hvalfirði og Landinn slóst með í för.