Af dauðum og ódauðum
Á okkar dögum trúa ekki margir á drauga – jafnvel ekki þeir sem þó telja sig hafa séð draug með eigin augum. En hvernig útskýra þeir þá reynslu sína? Í þáttunum er draugatrú Íslendinga tekin til skoðunar ásamt annarri þjóðtrú, á borð við hjátrú og trú á álfa. Rætt er við ýmsa sérfræðinga sem og þá sem hafa haft persónuleg kynni af hinum ódauðu – afturgöngum, álfum eða framliðnum. Rýnt er í hvernig draugatrú endurspeglar samfélagið, menninguna og síðast en ekki síst, sálarlíf og samvisku mannsins.
