Páll Ásgeir Ásgeirsson segir frá Hornvík á Hornströndum, en hann hefur skrifað ítarlega ferðabók um Hornstrandir ásamt konu sinni Rósu Sigrúnu Jónsdóttur.

Margrét Harpa Guðsteinsdóttir segir frá Stokkseyri og Stokkseyrarfjöru, þar sem hún dvaldist mikið sem barn.

Lilja Sigurðardóttir rithöfundur segir frá Vatnsendahverfinu í Kópavogi, en Lilja er búsett í Kópavogi auk þess sem hún er bæjarlistamaður Kópavogs 2023.

Einar Hjartarson segir frá Laugafelli upp af Eyjafjarðardölum, en Einar er formaður skálanefndar í Laugafelli.

Dagrún Ósk Jónsdóttir þjóðfræðingur segir frá félagsheimilinu Sævangi á Ströndum, en hún er uppalin á Ströndum og á miklar tengingar við ýmsa menningarstarfsemi í Sævangi.

Rúnar Róbertsson segir frá Hafnargötunni í Reykjanesbæ og rifjar upp gamlar minningar af rúntinum.

Kristrún Snorradóttir segir frá Arnarvatnsheiði og minningum hennar þaðan.

Sigríður Soffía Níelsdóttir segir frá Rauðasandi og svæðinu þar í kring en staðurinn skipar mikilvægan sess í ljóðabók hennar sem nefnist Til hamingju með að vera mannleg.

Johan Holst skógfræðingur segir frá jökulánum tveimur í Skagafirði sem hann siglir reglulega niður á kajak.

Ólafur Egilsson segir frá minningum sínum af tveimur eftirlætisstöðum í höfuðborginni, Vesturbæjarlauginni og Þjóðleikhúsinu.

Kári Viðarsson segir frá Rifi á Snæfellsnesi þaðan sem hann á margar ævintýralegar bernskuminningar.

Jóhann Valgeir Davíðsson segir frá Vöðlavík á Austfjörðum sem er einn af hans eftirlætisstöðum á Íslandi.

Albertína Friðbjörg Elíasdóttir segir frá Akureyri, stað sem varð henni að óvörum einn eftirlætisstaður hennar á landinu.

Halla Ólafsdóttir segir frá Hornströndum, náttúrparadís sem er nánast í bakgarðinum frá heimili hennar á Ísafirði.

Guðmundur R. Gíslason segir frá félagsheimilinu Egilsbúð í Neskaupstað, þaðan sem hann á óteljandi minningar.

Ragnheiður Harpa Leifsdóttir segir frá húsi ömmu sinnar í Vesturbæ Reykjavíkur, sem fyrir hana er ákveðinn fasti í tilverunni.

Anna Melsteð segir frá Nátthaga í Berserkjahrauni á Snæfellsnesi, þar sem hún kom fyrst í tjaldútilegu á menntaskólaárunum.

Sigurbjörn Árni Arngrímsson segir frá sínum heimaslóðum við Mývatn.

Þorsteinn Sigfússon segir frá Heinabergi á Mýrum í Hornafirði og svæðinu þar í kring, en Þorsteinn býr á bænum Skálafelli í Suðursveit sem er næsta jörð við Heinaberg.

Hildur Eir Bolladóttir segir frá Laufási í Eyjafirði og æskuminningum sínum þaðan.

Jónatan Garðarsson segir frá Sogunum á Reykjanesskaga sem er einn af hans eftirlætisstöðum á landinu.

Dagmar Ýr Stefánsdóttir segir frá Tregagili í Jökuldal, sem hún heimsækir reglulega og er staðsett í sveitinni hennar á Jökuldalnum.

Sigurður Líndal Þórisson segir frá félagsheimilinu Víðihlíð í Víðidal, þaðan sem hann á margar minningar.

Guðmundur Ármann Pétursson segir frá Eyrarbakka og samfélaginu þar í gegnum tíðina.

Aldís Hafsteinsdóttir segir frá Flúðum í Hrunamannahreppi og nýja heimilinu sínu við golfvöllinn.

Helga Þórsdóttir safnstjóri Listasafns Reykjanesbæjar segir frá Helguvík og mikilfenglegum mannvirkjum þar sem veita listamönnum innblástur.

Þórgnýr Dýrfjörð segir frá Siglufjarðarskarði, skarði sem hafði mikil áhrif á samfélagið í heimbænum hans Siglufirði.

Ágústa Kristófersdóttir segir frá Reykholti í Borgarfirði sem hefur skipað stóran sess í hennar lífi, bæði í persónulega lífinu og í vinnunni.

Þáttastjórnandi tekur saman ferðalagið á milli allra þessara ólíku staða og veltir fyrir sér hvað einkennir staði sem verða uppáhalds.