Hinrik hittir einhvern nýjan á hverjum degi og lendir í ótrúlegustu uppákomum.

Þegar sex börn reka dagvistun fyrir hunda, þá getur sko allt gerst! Búðu þig undir ofur krúttlega sjónvarpsþætti, sem fá alla til að brosa.

Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.

Bursti er forvitinn og þrjóskur broddgöltur sem býr þar sem litlir hlutir eru stórir.

Vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.

Símon er hress og skemmtileg kanína sem tekst á við alls kyns áskoranir og lærir af mistökum sínum.

Ólivía er sniðug svínastelpa sem tæklar hversdaginn með frumlegum leiðum. Hún dettur gjarnan í dagdrauma og hefur að auki sett sér ýmsar sniðugar lífsreglur.

Vinirnir Begga og Fress leika sér að tölum og leysa saman ýmsar þrautir og gátur.

Önnur þáttaröð af Monsunum Kára, Villa og Hönnu sem lenda í alls kyns ævintýrum og þurfa að standa saman til að takast á við illmennið Ívar.

Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?

Elías er ungur og áhugasamur björgunarbátur. Hann er ósvífinn, fjörugur og mikils metinn í heimabæ sínum. Vinir Elíasar skipta honum öllu máli og leggur hann í hvaða ævintýri sem er til þess að bjarga vinum sínum úr ógöngum.

Töfratú er fantasíuland dásamlegra álfa og hafmeyja þar sem raunveruleg viðfangsefni á borð við systkinaerjur, sanngirni og sjálfstraust eru könnuð nánar.

Ástsælu Múmínálfar Tove Jansson snúa aftur og lenda í alls kyns skemmtilegum ævintýrum.

Rebekka er ung stúlka sem er að læra á lífið, skólann og tilveruna. Örvar er græn veira sem lenti hjá mannfólkinu. Saman eru þau ótrúlegt teymi.

Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?

Teiknimyndaþættir um Lóu sem er 12 ára og býr með mömmu sinni í stórborg. Lóu finnst hún ekki lengur vera barn og ekki alveg vera unglingur ennþá og reynir að takast á við allar þær tilfinningar sem vakna þegar unglingsárin eru að hefjast.

Edduverðlaunaþættir frá 2016 úr smiðju Ævars vísindamanns. Sem fyrr kannar Ævar furðulega og spennandi hluti úr heimi vísindanna. Hann fer meðal annars í svaðilför til Surtseyjar og rannsaka stærstu tilraun í heimi. Stórskemmtilegir þættir fyrir alla fjölskylduna. Dagskrárgerð: Gunnar B. Gudmundsson og Ævar Þór Benediktsson.

Í þætti kvöldsins leggur Ævar land undir fót og fer alla leið til Genfar til að skoða afar áhugavert farartæki. Hann rannsakar risastórt vélmenni og veltir því fyrir sér hvernig flugvélar haldast á lofti hér á jörðinni - og hvernig þeim myndi farnast á öðrum plánetum. Kristófer Kólumbus er landkönnuður þáttarins og Sprengju-Kata kíkir í heimsókn.

Fræðandi þættir um ótrúlega útreikninga fyrir börn á öllum aldri.

Heimildarþáttaröð um íslenska kvennalandsliðið í knattspyrnu, upphafsár þess og sögu, sigra og ósigra. Liðið er eitt þeirra fremstu í heiminum og stjörnur þess með þekktustu íþróttamönnum þjóðarinnar. En leið kvennalandsliðsins á þann stað sem það er á í dag var allt annað en greið.

Eftir niðurlægingu og tímabundna niðurfellingu liðsins er landsliðið endurreist. Ný kynslóð mætir til leiks, gömlu kempurnar snúa aftur og stelpurnar fá loksins að stíga á völlinn í Laugardal með ótrúlegum árangri.

Haukur Morthens var einn vinsælasti dægurlagasöngvari þjóðarinnar um langt skeið. Hann söng með danshljómsveitum í fjóra áratugi og inn á fjölmargar hljómplötur. Í þessum þætti segir hann frá tónlistarferlinum og sjálfum sér og syngur mörg af þekktustu lögum sínum. Umsjón og dagskrárgerð: Andrés Indriðason.

Ferðaþættir þar sem leikarinn Örn Árnason bregður sér í hlutverk leiðsögumanns og ferðast um áhugaverða staði við þjóðveginn eða örskammt frá. Frikki Frikk, tökumaður og ljósmyndari, er fylgdarsveinn Arnar í þessum ferðum og saman sýna þeir fram á að stundum er óþarfi að leita langt yfir skammt. Léttir þættir þar sem fjallað er um náttúru, sögu og menningu.

Í þættinum heimsækjum við Jónasarlund á Laugarvatni, kíkjum í Skálholt og spáum í siðaskiptin. Einnig skoðum við konungssteina á Geysi.

Sænsk þáttaröð þar sem fylgst er með brúðkaupsljósmyndurum mynda ástfangin pör á þessum miklu tímamótum.

Helstu fréttir dagsins af innlendum og erlendum vettvangi. Alla daga, árið um kring.

Sænsk heimildarmynd frá 2022 um Birgittu prinsessu, eldri systur Karls Gústafs Svíakonungs. Birgitta ræðir á opinskáan hátt um barnæskuna, dauða föður síns, einkalífið og ýmislegt fleira.

Íslensk heimildarmynd um ferð Guðna Th. Jóhannessonar, þáverandi forseta Íslands, á þungarokkshátíðina Wacken í Þýskalandi árið 2023. Hátíðin er ein sú stærsta og sögufrægasta sinnar tegundar. Íslenskar þungarokksveitir hafa verið aufúsugestir á hátíðinni um árabil og árið 2023 var þar engin undantekning. Fjórar annálaðar sveitir léku á hátíðinni, Skálmöld, Sólstafir, The Vintage Caravan og Krownest. Guðna þótti við hæfi að heiðra sveitirnar með nærveru sinni. Hann var heiðursgestur á hátíðinni og eini þjóðarleiðtoginn á staðnum. Ólafur Páll Gunnarsson fylgdi Guðna og sveitunum á hátíðina. Dagskrárgerð: Ólafur Páll Gunnarsson, Ívar Kristján Ívarsson og Jóhannes Tryggvason.

Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni RÚV á nærfellt hálfrar aldar tímabili. Dagskrárgerð: Andrés Indriðason.

Ný íslensk heimildarmynd þar sem hljómsveitirnar Kælan mikla, Mammút, Börn og Gróa koma fram í tali og tónum. Þær eru með framsæknustu hljómsveitum þjóðarinnar um þessar mundir. Leikstjórn: Árni Sveinsson.

Veiðiþættir í umsjá bræðranna Gunnars og Ásmundar Helgasona. Í þáttunum fara þeir á ýmsa veiðistaði, fá aðstoð sérfræðinga og heimafólks og veiða meðal annars ísaldarrurriða á flugu, þorsk af kajak, lax á Vesturlandi, silung á fjöllum og hákarl úr fjöru. Þeir elda allt sem þeir veiða, þó við misjafnar aðstæður og með misjöfnum árangri. Dagskrárgerð: Eiríkur Ingi Böðvarsson.

Í fyrsta þætti Veiðikofans setja veiðibræðurnir Gunnar og Ásmundur Helgasynir markmiðið hátt og halda að Þingvallavatni til að veiða ísaldarurriðann, konung íslenskra ferskvatnsfiska. Þeir byrja á því að fylgjast með urriðadansinum í Öxará undir stjórn Jóhannesar Sturlaugssonar og halda svo til veiða - án þess að kunna nokkuð til verka.

Norsk fræðsluþáttaröð um hressandi tilraunir. Þeir Rune Nilson og Per Olav Alvestad láta sér detta ýmislegt misgáfulegt í hug og hrinda því yfirleitt í framkvæmd.

Húsálfurinn Bolli, sem býr á skrifborði hins 11 ára gamla Bjarma, fær óvæntan herbergisfélaga þegar skólaálfurinn Bjalla smyglar sér heim í pennaveskinu. Bolli og Bjalla ákveða að búa til skemmtilegasta sjónvarpsþátt veraldar: Stundina okkar. Í þættinum eru það krakkarnir sem slá í gegn, hvort sem það er í spurningakeppninni Frímó, við bakstur eða með ofursvala bílskúrsbandinu Stundin rokkar.

Í þessum þætti uppgötvar Bjalla besta og versta tæki í heiminum, símann hans Bjarma. Bílskúrshljómsveitin í Stundinni rokkar, sem fær nafnið Gulu kettirnir, fræða okkur um tónlistarorð og hefjast handa við að semja frumsamið lag.

Í Frímó mætast svo liðin UMFA og Gúrkurnar, sem keppa í þrautunum Dósadáð og Hleypa af stokkum

Kristín og Arnór kynnast dularfullri stelpu sem grunar sögukennarann um eitthvað skuggalegt. Hvað ætli sé í gangi hjá honum Sigurjóni sögukennara?

Leikarar: Kristín Erla Pétursdóttir, Arnór Orri Atlason, Arnþrúður Karen Viktorsdóttir, Agnes Wild og Karl Pálsson

Dagskrárgerð: Eva Rún Þorgeirsdóttir og Elvar Egilsson

Arnór og Kristín leggja af stað með strætó til að heimsækja ömmu Kristínar en villast af leið. Þau hitta dularfulla stelpu sem er að sniglast í kringum hús.

Stundin okkar kíkir í heimsókn til danshópa og dansskóla til að fræðast um mismunandi dansstíla. Ungir dansarar sýna dans og segja okkur frá hvers vegna þeim finnst gaman að dansa.

Í þessum þætti kíkjum við í heimsókn í Danslistaskóla JSB þar sem hópur af stelpum kynnir okkur fyrir dansstílnum jazzballet.

Fram koma:

Nemendur í C1:

Dóra Kristín Ólafsdóttir

Eva Silfá Jónsdóttir

Eyja Pétursdóttir

Eyrún Anna Arnarsdóttir

Gunnhildur Daðadóttir

Hekla Lind Ólafsdóttir

Hrönn Hjaltadóttir

Kata Tómasdóttir

Kolbrún Elvi Harðardóttir

Laisha Miladys Rodriguez

María Dóra Hrafnsdóttir

Marta Hrönn Ingadóttir

Melkorka Sólrúnardóttir

Raquel Freyja Villafuerte

Sara Einarsdóttir

Urður Eva Rúnarsdóttir

Þórdís Ragnarsdóttir

Þuríður Lilja Garðarsdóttir

Nemendur á 3.-4.stigi listdansbraut:

Agnes Lóa Heimisdóttir

Alexandra Borg Aðils

Aníta Kaldal Ómarsdóttir

Auður Edda Jin Karlsdóttir

Brynja Karen Hjaltested

Elín Víðisdóttir

Ellen María Einarsdóttir

Emma Kristín Guðmundsdóttir

Hekla Guðrún M. Pálsdóttir

Iðunn Ólöf Berndsen

Isabel Aðalheiður Welling

Ísabella Kristín Káradóttir

Katrín Leifsdóttir

Kristín Kristjánsdóttir

Líf Karlotta Young

Máney Þula Guðjónsdóttir

Ragnheiður Björt Þórarinsdóttir

Ragnheiður Mist Reykdal

Sigrún Æsa Pétursdóttir

Stefanía Björt Ragnarsdóttir

Yrja Gló Grímsdóttir

Fjórir krakkar í rokkhljómsveit æfa þekkt íslenskt rokklag og semja eigið lag. Í leiðinni fræðumst við um hljóðfærin í hljómsveitinni og rokktónlistarsöguna.

Við kynnumst nýrri hljómsveit og fræðumst um ábreiður. Auk þess kynnumst við Sigga trommuleikara og heyrum flutning á laginu Húsavík. Hljómsveitarmeðlimir: Aldís María Sigursveinsdóttir, Fatíma Rós Joof, Hilmir Þór Snæland Hafsteinsson og Sigurður Ingvar Þórisson. Tónlistarstjóri: Sigurður Ingi Einarsson.

Stutt umfjöllun Sumarlandans sem var á flakki sumarið 2021 og hitti landann fyrir í sínu náttúrulega umhverfi, uppi á fjöllum, úti í garði, inni í skógi og allt um kring. Umsjónarmenn: Gísli Einarsson, Guðríður Helgadóttir, Hafsteinn Vilhelmsson, Helga Margrét Höskuldsdóttir, Þórhildur Þorkelsdóttir og fleiri.

Lottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Fjölskyldumynd frá 2007. Tónlistarmaður rekst fyrir tilviljun á þrjá krúttlega og söngelska íkorna og hyggur í kjölfarið á frægð og frama með aðstoð þríeykisins. Leikstjóri: Tim Hill. Aðalhlutverk: Jason Lee, David Cross og Cameron Richardson.

Rómantísk gamanmynd frá 2018 með Jennifer Lopez í aðalhlutverki. Maya Vargas starfar í stórmarkaði og finnst hún ekki hljóta framgang í starfi vegna þess að hún hefur ekki háskólagráðu. Þegar hún fær fyrir misskilning stjórnunarstöðu hjá stóru fyrirtæki á Manhattan fær hún loksins tækifæri til að sýna hvað í henni býr. Leikstjóri: Peter Segal. Meðal leikenda eru Vanessa Hudgens, Leah Remini og Treat Williams.

Dönsk kvikmynd frá 2020 í leikstjórn Jeanette Nordahl. Ida flytur inn til móðursystur sinnar og sona hennar þegar móðir hennar deyr í bílslysi. Fjölskyldan tekur á móti Idu með ást og umhyggju en ekki líður að löngu þar til hún áttar sig á því að þau búa yfir leyndarmáli sem á eftir að hafa gríðarleg áhrif á líf hennar. Aðalhlutverk: Sandra Guldberg Kampp, Sidse Babett Knudsen og Joachim Fjelstrup. Myndin er ekki við hæfi barna yngri en 12 ára.

Breskir spennuþættir. Raðmorðingi hlutar fórnarlömb sín niður og notar líkamspartana til að búa til eins konar mennska tuskubrúðu. Sveit rannsóknarlögreglumanna eltist við hann en illvirkjanum tekst alltaf að vera skrefi á undan. Málið vandast enn frekar þegar listi yfir næstu fórnarlömb birtist og einn lögreglumaðurinn er á honum. Aðalhlutverk: Lucy Hale, Henry Lloyd-Hughes og Thalissa Teixeira. Þættirnir eru ekki við hæfi barna yngri en 16 ára.