Sjónvarp - Spilari RÚV

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Bergsteinn Sigurðsson, Guðrún Sóley Gestsdóttir, Margrét Helga Erlingsdóttir og Kristján Kristjánsson. Ritstjóri: Sigríður Halldórsdóttir.

Rætt við Andrii Sybiha utanríkisráðherra Úkraínu um stöðuna í stríðinu við Rússa og rætt við Friðrik Jónsson, sendiherra Íslands í Úkraínu og Póllandi um sama efni.

Aðgengilegt til: Rennur ekki út.

Lengd: 24 mín.

Dagskrárliðurinn er textaður
Endursýnt

14:05

Silfrið

Trumpískar vindmyllur og tjóðruð gervigreind

Sigríður Hagalín Björnsdóttir og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.

Eftir öryggisbrest hjá OpenAI í sumar hafa forkólfar nokkurra stærstu tæknifyrirtækja heims kallað eftir því að hægt verði á þróuninni. Á sama tíma eru fjárfestingar í gervigreind og orkuöflun fyrir hana orðnar mikilvægur drifkraftur hagvaxtar í Bandaríkjunum og Kína. Hvaða áhrif hefði það á heimsbúskapinn - og Ísland - ef hægt yrði á kapphlaupinu? Og hversu mikla orkuöflun á kostnað náttúruauðlinda er hægt að réttlæta? Andri Snær Magnason rithöfundur, Þóra Arnórsdóttir, forstöðumaður samskipta hjá Landsvirkjun, og Björgvin Ingi Ólafsson, sviðsstjóri hjá Deloitte, fóru yfir stöðuna.

Bjartsýni var ríkjandi á Vesturlöndum um aldamótin og útbreidd trú á sigurför frjálslynds lýðræðis, kapítalisma og hnattvæðingar. Fáir hefðu spáð að aldarfjórðungi síðar einkenndist heimsmyndin af átökum, uppgangi þjóðernishyggju og alþjóðakerfi sem ætti undir högg að sækja. Hvað gerðist – og hvert stefnir heimurinn? Guðmundur Jónsson, sagnfræðingur og prófessor emeritus, fer yfir sviðið í síðari hluta þáttar.

Aðgengilegt til: Rennur ekki út.

Lengd: 45 mín.

Dagskrárliðurinn er textaður sjálfvirkt
Endursýnt

14:50

Gettu betur 1996

MR - MH

Spurningakeppni framhaldsskólanna frá 1996. Spyrill: Davíð Þór Jónsson. Dómari: Helgi Ólafsson. Stigavörður: Sólveig Samúelsdóttir. Dagskrárgerð: Andrés Indriðason.

Í þessum þætti mætast lið Menntaskólans í Reykjavík og Menntaskólans við Hamrahlíð. Lið Menntaskólans í Reykjavík skipa Arnór Hauksson, Guðmundur Björnsson og Kjartan Björgvinsson. Lið Menntaskólans við Hamrahlíð skipa Inga Þóra Ingvarsdóttir, Örlygur Benediktsson og Björn Grétar Stefánsson.

Aðgengilegt til: Rennur ekki út.

Lengd: 49 mín.

Endursýnt

15:40

Kaupmannahöfn - höfuðborg Íslands

Guðjón Friðriksson og Egill Helgason leiða áhorfendur um söguslóðir í Kaupmannahöfn. Borgin við Sundið var um aldaraðir hin eiginlega höfuðborg Íslands. Þangað leituðu Íslendingar til náms, starfa og fræðiiðkana, en Kaupmannahöfn var líka miðstöð verslunar Íslendinga. Við kynnumst Íslandskaupmönnum, stúdentum, sérvitringum, skáldum og stjórnmálamönnum, en líka fólki sem fór til Hafnar að afla sér iðnmenntunar eða einfaldlega til að freista gæfunnar. Víða í borginni leynast sögur af Íslendingum. Dagskrárgerð: Ragnheiður Thorsteinsson.

Egill og Guðjón fjalla um hinar lífsnauðsynlegu skipaferðir milli Danmerkur og Íslands og fara í virkið Kastellet, þar sem íslenskir fangar komu fyrst eftir að þeir voru fluttir til Hafnar. Auk þess fara þeir í hverfið í kringum höllina Amalienborg, á spítalann þar sem Jónas Hallgrímsson dó og á Fæðingarstofnunina, en þangað voru íslenskar konur sendar til að eiga börn á laun.

Aðgengilegt til: Rennur ekki út.

Lengd: 21 mín.

Dagskrárliðurinn er textaður
Endursýnt

16:05

Húsið okkar á Sikiley: Innkaupaferðin (3 af 6)

Husdrömmar Sicilien - Vintageresan

16:35

Úti III (5 af 6)

Eldur, vatn og sandur

Ferðaþættir í umsjón Brynhildar Ólafsdóttur og Róberts Marshall. Að þessu sinni fara þau hjónin með gönguhóp um stórbrotið fjalllendi heima og erlendis. Það reynir á líkama, sál og samheldni í ólíkum tegundum útivistar.

Leikkonan Ilmur Kristjánsdóttir og rannsóknarblaðamaðurinn Jóhannes Kr. Kristjánsson slást í för um eitt fjölbreyttasta landslag íslenska hálendisins. Gengið er um Strútssvæðið, Hólmsárlón þverað á léttum göngubátum og að lokum hjólað yfir Mælifellssand. Ferðin reynir á ólíka færni og úthald en leiðir hópinn um óvenjulegt samspil eldfjalla, jökulvatns og auðna. Hér verða ferðalangarnir að laga sig að landinu og skipta um farartæki eftir því sem leiðin krefst.

Er aðgengilegt til 21. desember 2026.

Lengd: 22 mín.

Dagskrárliðurinn er textaður
Endursýnt

17:00

Á gamans aldri II (3 af 6)

Jakob Hörður Magnússon

Íslenskir viðtalsþættir þar sem skyggnst er inn í líf fólks sem nýtur eftirlaunaáranna á aðdáunarverðan og jákvæðan hátt. Í hverjum þætti fáum við innsýn í líf einnar manneskju, heyrum sögu hennar, lífssýn og lærdóm sem hún hefur dregið af lífinu, auk þess sem við ræðum þær áskoranir sem fylgja því að eldast. Dagskrárgerð: Ragnhildur Steinunn Jónsdóttir. Framleiðsla: Elín Sveinsdóttir.

Jakob Hörður Magnússon stendur enn vaktina á Horninu, einu elsta veitingahúsi landsins, 75 ára. Hann hefur verið ómissandi hluti af íslenska veitingageiranum áratugum saman og fékk heiðursorðu Klúbbs matreiðslumeistara 2025 fyrir einstakt æviverk í þágu íslenskrar veitingamenningar. Þegar vinnudeginum lýkur tekur tónlistin völdin því Jakob er gítarleikari í hljómsveitinni Alto sem varð til þegar hann var unglingur í Hagaskóla.

Aðgengilegt til: Rennur ekki út.

Lengd: 28 mín.