Jarðsetning
Íslensk heimildarmynd frá 2021. Stórhýsi Iðnaðarbankans við Lækjargötu rís á sjöunda áratugnum í anda alþjóðlegra framtíðarhugmynda. Hálfri öld síðar fær byggingin dóm um að víkja. Innan úr byggingunni mætum við afli vélarinnar og kröftum náttúrunnar, verðum vitni að niðurrifi og upplausn bankans með daglegt líf borgarinnar í bakgrunni. Þetta er jarðsetning, endalok stórhýsis á endastöð hugmynda um einnota byggingar. Leikstjórn og framleiðsla: Anna María Bogadóttir.
