RÚV | Ársskýrsla |

Einsömul mannsrödd frumflutt í Útvarpsleikhúsinu

Kolbrún Vaka Helgadóttir — Sun, 26 Dec 2021 11:35:07 +0000

Einleikur sem byggist á frásögnum um stærsta kjarnorkuslys allra tíma var fluttur í Útvarpsleikhúsi Rásar 1 á annan í jólum. „Ég held að ég hafi sjaldan grátið jafn mikið yfir einum texta,“ segir þýðandi verksins. Aníta Briem fór með aðalhlutverk og Ása Helga Hjörleifsdóttir leikstýrði.

https://www.ruv.is/frett/2021/12/26/atakanleg-nutimapislarsaga-fra-tsjernobyl

Verbúðin frumsýnd

Kolbrún Vaka Helgadóttir — Sun, 26 Dec 2021 10:30:15 +0000

Vesturport réðst til atlögu við eitt af stærstu deilumálum síðustu áratuga, sjálft kvótakerfið, í sjónvarpsþáttunum Verbúðin, sem hófu göngu sína á RÚV þann 26. desember. Þáttaröðin gerist á árunum 1983-91. Vinahjón gera upp gamlan togara og fara í útgerð. Allt gengur vel þar til kvótakerfið kemur til sögunnar og setur líf hjónanna sem og allra landsmanna í uppnám. Með aðalhlutverk fara Nína Dögg Filippusdóttir, Björn Hlynur Haraldsson, Gísli Örn Garðarsson, Guðjón Davíð Karlsson og Unnur Ösp Stefánsdóttir. Áhorf á Verbúðina fór fram úr björtustu vonum en fjórði hver Íslendingur sat við skjáinn á sunnudagskvöldum og horfði á Verbúðina samkvæmt rafrænum áhorfsmælingum Gallup en yfir 100.000 horfðu daginn eftir á fyrsta þáttinn í Spilara RÚV. Fyrsti þáttur Verbúðarinnar sló þannig áhorfsmet í Spilaranum. Verbúðin er sýnd á RÚV 2 samtímis með enskum texta en það er þjónusta sem þúsundir nýttu sér.

Jólalag Ríkisútvarpsins

Kolbrún Vaka Helgadóttir — Sat, 25 Dec 2021 15:42:50 +0000

Jólalag Ríkisútvarpsins árið 2021 var lagið Jól eftir Finn Karlsson við ljóð eftir Örn Arnarson. Sönghópurinn Cantoque Ensemble flutti undir stjórn Steinars Loga Helgasonar. Lagið var frumflutt á jóladag á Rás 1.

https://www.ruv.is/utvarp/spila/jolalag-rikisutvarpsins/32520/9m4a41

Jólastundin með Ragnhildi Steinunni og Sveppa

Kolbrún Vaka Helgadóttir — Sat, 25 Dec 2021 11:29:29 +0000

Jólastundin var að venju á dagksrá í sjónvarpinu á jóladag. Í ár var boðið upp á jólaþátt fyrir alla fjölskylduna þar sem Ragnhildur Steinunn og Sveppi buðu þjóðinni í skemmtilegt jólaboð.

Heimilistónar eiga sigurlagið í Jólalagakeppni Rásar 2

Kolbrún Vaka Helgadóttir — Thu, 09 Dec 2021 15:49:19 +0000

Fjöldi laga barst í jólalagakeppni Rásar 2 í ár og voru sex lög valin til úrslita. Sem fyrr gátu landsmenn kosið á milli þeirra til móts við dómnefnd Rásar 2. Lagið Anda inn með Heimilistónum reyndist hlutskarpast og er því jólalag Rásar 2 árið 2021.

https://www.ruv.is/frett/2021/12/09/heimilistonar-eiga-sigurlag-jolalagakeppni-rasar-2

Traustar fréttir

Kolbrún Vaka Helgadóttir — Tue, 07 Dec 2021 10:48:08 +0000

Könnun MMR á trausti, sem framkvæmd var í nóvember, sýnir enn og aftur að landsmenn treysta fréttum RÚV. Traust landsmanna á fréttaflutningi er mælt tvisvar á ári, í maí og nóvember, í samræmi við þjónustusamning RÚV og menntamálaráðuneytisins. Ný könnun MMR sýnir að 70% aðspurðra bera mikið traust til fréttastofu RÚV. Um 19% svara hvorki mikið né lítið traust en 11% bera lítið trausttil fréttastofu RÚV.

https://www.ruv.is/i-umraedunni/traustar-frettir

Aðventugleði Rásar 2

Kolbrún Vaka Helgadóttir — Fri, 03 Dec 2021 09:41:23 +0000

Rás 2 blés til árlegrar aðventugleði í Efstaleitinu þar sem góðir gestir litu við og tónlistarfólk tók lagið í beinni útsendingu, meðal þeirra voru Margrét Eir, Valdimar, bræðurnir Frikki Dór og Jón Jónsson, Emmsjé Gauti og Prins Póló. Einnig var fjallað um jólabókaflóðið með sérfróðum, pælt í jólamatnum og afþreyingu um jólin. Tónleikarnir voru í beinni útsendingu á Rás 2 og í hljóði og mynd á RÚV.is.

https://www.ruv.is/frett/2021/12/03/adventugledi-rasar-2

Kvennavakt á Íþróttadeild

Kolbrún Vaka Helgadóttir — Fri, 26 Nov 2021 11:12:58 +0000

Þann 26. nóvember gerðist nokkuð sem líklega hefur sjaldan eða aldrei gerst áður að aðeins konur voru á vakt á Íþróttadeildinni. Vaktina skipuðu þær Sandra Silfá Ragnarsdóttir, Eva Björk Benediktsdóttir, Edda Sif Pálsdóttir og María Björk Guðmundsdóttir, Helga Margrét Höskuldsdóttir, Kristjana Arnarsdóttir.

Björn Þór klæddist hlífðarbúningi í útsendingu

Kolbrún Vaka Helgadóttir — Thu, 25 Nov 2021 14:34:47 +0000

Björn Þór Sigbjörnsson dagskrárgerðarmaður á Rás 1 setti sig í spor heilbrigðisstarfsmanns á tímum kórónaveirunnar og klæddist hlífðarbúningi í útsendingunni á Morgunvaktinni þann 25. nóvember.

Vera Illugadóttir hlaut viðurkenningu á degi íslenskrar tungu

Kolbrún Vaka Helgadóttir — Thu, 18 Nov 2021 10:27:57 +0000

Vera Illugadóttir, umsjónarmaður Í ljósi sögunnar á Rás 1, sem er jafnframt vinsælasta hlaðvarp landsins, hlaut sérstaka viðurkenningu fyrir stuðning við íslenska tungu á degi íslenskrar tungu þann 16. nóvember. Í umsögn dómnefndar segir að Í ljósi sögunnar höfði öðrum fremur til fólks á öllum aldri og með mjög mismunandi áhugasvið. „Með grípandi framsetningu söguefnis hverju sinni nær Vera eyrum hlustenda vítt og breitt um samfélagið. Hún segir sögur sínar á frjóu og fallegu máli og miðlar fróðleik sínum á tilgerðarlausan en áhrifaríkan hátt.“

https://www.ruv.is/i-umraedunni/vera-illugadottir-hlaut-vidurkenningu-a-degi-islenskrar-tungu