RÚV | Ársskýrsla |

Þríeykið er manneskja ársins á Rás 2

Kolbrún Vaka Helgadóttir — Thu, 31 Dec 2020 11:40:48 +0000

Þríeykið, Alma D. Möller landlæknir, Víðir Reynisson yfirlögregluþjónn og Þórólfur Guðnason sóttvarnalæknir, eru manneskjur ársins 2020 á Rás 2. Víðir Reynisson segir frábært að fá viðurkenningu fyrir þá vinnu sem teymið hefur unnið allt árið. Hann segir ljóst að verkefnið sé ekki aðeins í höndum þeirra þriggja. „Þetta er gríðarlega stórt verkefni sem þurfti alla til að taka þátt í,“ segir hann. Því taki þau við viðurkenningunni fyrir hönd stórs hóps.

https://www.ruv.is/frett/2021/01/03/thrieykid-er-manneskja-arsins-a-ras-2

Áhersla á fræðslu í nýjum þjónustusamningi við RÚV

Kolbrún Vaka Helgadóttir — Wed, 30 Dec 2020 11:32:21 +0000

Mennta- og menningarmálaráðuneytið hefur gert nýjan þjónustusamning við Ríkisútvarpið ohf. Samningurinn var undirritaður þann 30. desember. Samkvæmt samningnum verður lögð aukin áhersla á fræðsluhlutverk Ríkisútvarpsins og rækt við íslenska tungu. Lilja Alfreðsdóttir, mennta- og menningarmálaráðherra, segir að það sé í takti við áherslu Ríkisútvarpsins síðustu mánuði þegar skólastarf hefur verið takmarkað vegna COVID-19.

https://www.ruv.is/i-umraedunni/ahersla-a-fraedslu-i-nyjum-thjonustusamningi-vid-ruv

Jólalag Ríkisútvarpsins

Kolbrún Vaka Helgadóttir — Fri, 25 Dec 2020 10:59:33 +0000

Jólalag Ríkisútvarpsins árið 2020 er eftir tónlistarhópinn Umbru og heitir Himnablessun, ljóðið er eftir Aðalstein Ásberg Sigurðsson. Umbru skipa þær Alexandra Kjeld, Guðbjörg Hlín Guðmundsdóttir, Lilja Dögg Gunnarsdóttir og Arngerður María Árnadóttir. Hljóðritun fór fram í Guðríðarkirkju í Grafarholti.

https://www.ruv.is/frett/2020/12/25/jolalag-rikisutvarpsins

Nýtt útvarpsleikrit frumflutt á aðfangadag

Kolbrún Vaka Helgadóttir — Thu, 24 Dec 2020 10:14:49 +0000

Á aðfangadag var frumflutt í Útvarpsleikhúsinu á Rás 1 glænýtt útvarpsleikrit í fjórum hlutum eftir Jóhönnu Friðriku Sæmundsdóttur, Með tík á heiði. Í verkinu fléttast saman sögur tveggja kvenna, Erlu og Þorgerðar. Erla er nútímakona sem býr í Hveragerði. Þorgerður var uppi fyrir 100 árum. Sagan er einskonar frjósemissaga þessarra kvenna, brot úr æviskeiðum þeirra. Leikstjóri er Silja Hauksdóttir og með aðalhlutverk fara María Heba Þorkelsdóttir og Þuríður Blær Jóhannsdóttir.

https://www.ruv.is/i-umraedunni/nytt-utvarpsleikrit-frumflutt-a-adfangadag

Ríkisútvarpið og Rás 1 fagna 90 ára afmæli

Kolbrún Vaka Helgadóttir — Mon, 21 Dec 2020 14:02:10 +0000

Fyrstu útsendingar Ríkisútvarpsins voru dagana 20. og 21. desember 1930. Ríkisútvarpið og Rás 1 fögnuðu því 90 ára afmæli árið 2020, af því tilefni var fjölbreytt afmælisdagskrá á Rás 1 í
desember. Þar á meðal var 21 örþáttur undir yfirskriftinni, Það sem skiptir máli, þar sem jafnmargir einstaklingar sögðu hvað þeim þótti skipta máli. Anna Sigríður Þráinsdóttir og Jóhanna Vigdís Guðmundsdóttir sáu um þrjá þætti um stöðu íslenskrar tungu á 90 ára afmælinu. Á afmælisdeginum sjálfum, 21. desember, var sent út beint úr öllum þeim húsum sem Ríkisútvarpið hefur átt samastað á í þessi 90 ár; Hafnarstræti 12, Landsímahúsinu, Skúlagötu 4, Klapparstíg 26 og auðvitað úr Efstaleiti. Í þessum útsendingum voru meðal annars rifjaðir upp nokkrir atburðir og einstaklingar sem komið hafa við sögu Ríkisútvarpsins. Allir lestrar Halldórs Laxness sem til eru í safni RÚV voru gerðir aðgengilegir almenningi í tilefni af 90 ára afmælinu. Lestrarnir voru færðir þjóðinni að gjöf í samstarfi við Guðnýju Halldórsdóttur og Sigríði Halldórsdóttur, dætur skáldsins. Af sama tilefni var gerður nýr þáttur um skáldið og samskitpti hans við Ríkisútvarpið, Dyravörður hjá víðvarpinu.

https://www.ruv.is/i-umraedunni/ras-1-heldur-upp-a-90-ara-afmaeli-rikisutvarpsins

Kósíheit í Hveradölum heppnuðust vel

Kolbrún Vaka Helgadóttir — Sat, 19 Dec 2020 10:57:41 +0000

Baggalútur bauð til jólatónlistarveislu í Skíðaskálanum í Hveradölum á laugardögum á aðventunni. Góðir gestir komu í heimsókn og fluttu gömul og ný jólalög sem komu landsmönnum í sannkallaðan „jólafíling “. Þættirnir þóttu heppnast afar vel og fengu mikið áhorf.

Slökkt á útsendingum Rondó á FM í Reykjavík

Kolbrún Vaka Helgadóttir — Mon, 14 Dec 2020 13:56:02 +0000

Þegar útvarpssendir Ríkisútvarpsins var færður af Vatnsenda og á Úlfarsfell í desember var slökkt á útsendingum Rondó á FM í Reykjavík (87,7mHz). Útvarpsstöðin verður áfram aðgengileg á vefnum.

https://www.ruv.is/i-umraedunni/slokkt-a-utsendingum-rondo-a-fm-i-reykjavik

Fyrir fjölskylduna

Kolbrún Vaka Helgadóttir — Fri, 04 Dec 2020 11:55:21 +0000

Fyrir fjölskylduna, söfnunarþáttur fyrir SÁÁ, Samtök áhugafólks um áfengis og vímuefnavandann var á dagská RÚV þann 4. desember. Málefni SÁÁ og staða málaflokksins í þjóðfélaginu voru rædd og fé safnað til styrktar samtökunum. Boðið var upp á tónlistar- og skemmtiatriði.

Aðventugleði Rásar 2

Kolbrún Vaka Helgadóttir — Fri, 04 Dec 2020 10:24:01 +0000

Hin árlega Aðventugleði Rásar 2 fór fram með óhefðbundnu sniði þann 4. desember. Vegna kórónuveirufaraldursins var ekki stöðugur straumur af tónlistarfólki inn og út úr Efstaleitinu eins og venja er á Aðventugleði Rásar 2. Engu að síður var mikil jólastemning á Rás 2 allan daginn í umsjón Atla Márs Steinarssonar, Huldu Geirsdóttur, Andra Freys og Lovísu Rutar.

Jónatan Garðarsson heiðraður á degi íslenskrar tónlistar

Kolbrún Vaka Helgadóttir — Tue, 01 Dec 2020 11:35:38 +0000

Jónatan Garðarsson fjölmiðlamaður fékk Heiðursverðlaun Dags íslenskrar tónlistar sem kennd eru við Lítinn fugl. Viðurkenninguna fær Jónatan fyrir framúrskarandi störf í þágu íslenskrar tónlistar í gegnum tíðina, meðal annars fyrir vandaða og metnaðarfulla dagskrárgerð í útvarpi og sjónvarpi.

https://www.ruv.is/i-umraedunni/jonatan-gardarsson-heidradur-a-degi-islenskrar-tonlistar