RÚV | Ársskýrsla |

Björgunarsveitir valdar manneskja ársins

Kolbrún Vaka Helgadóttir — Tue, 31 Dec 2019 15:41:43 +0000

Björgunarsveitirnar eru manneskja ársins 2019 að mati hlustenda Rásar 2 og kjósenda á RÚV.is. Úrslitin í kjöri á manni ársins voru tilkynnt í þættinum Á síðustu stundu á Rás 2 eftir hádegisfréttir.

http://ruv.is/frett/bjorgunarsveitir-valdar-manneskja-arsins

Jólatónleikar Rásar 1 í Hallgrímskirkju

Kolbrún Vaka Helgadóttir — Mon, 16 Dec 2019 15:36:33 +0000

Kammerkórinn Schola cantorum, undir stjórn Harðar Áskelssonar, flutti íslensk jólalög og hátíðlegar endurreisnarmótettur í Hallgrímskirkju á Jólatónleikum Rásar 1. Á tónleikunum var frumflutt jólalag Ríkisútvarpsins 2019, Mín bernskujól, eftir Hafliða Hallgrímsson. Tónleikarnir voru í beinni útsendingu á Rás 1 en einnig voru útvarpsstöðvar frá á þriðja tug Evrópulanda, auk Ástralíu og Kanada sem sendu tónleikana út beint en tónleikarnir voru hluti af Jólatónleikadegi EBU.

Aðventugleði Rásar 2 tókst vel til

Kolbrún Vaka Helgadóttir — Wed, 11 Dec 2019 15:29:40 +0000

Blásið var til árlegrar Aðventugleði Rásar 2 þann 11. desember. Það var stöðugur straumur af tónlistarfólki inn og út úr Efstaleitinu og jafnframt var sent út beint frá höfuðstöðvum RÚV á Norðurlandi.

https://www.ruv.is/i-umraedunni/adventugledi-rasar-2-tokst-vel-til

Mikið áhorf og jákvætt viðhorf til Kveiks

Kolbrún Vaka Helgadóttir — Sat, 30 Nov 2019 14:46:12 +0000

65% þjóðarinnar horfði á þátt Kveiks um Samherjaskjölin sem sýndur var 12. nóvember samkvæmt könnun MMR.

https://www.ruv.is/i-umraedunni/mikid-ahorf-og-jakvaett-vidhorf-til-kveiks

Landsmenn bera mikið traust til Fréttastofu RÚV

Kolbrún Vaka Helgadóttir — Fri, 29 Nov 2019 14:43:40 +0000

RÚV er ein mikilvægasta veita upplýsinga fyrir samfélagið og sinnir frétta- og öryggishlutverki sínu allan sólarhringinn, alla daga ársins.

Almenningur treystir RÚV og vikulega nota um 92% landsmanna sér þjónustu RÚV á einn eða annan hátt samkvæmt nýjum tölum frá Gallup. Yfirburðatraust landsmanna til fréttastofu RÚV er enn og aftur staðfest í nýrri könnun MMR sem gerð var í nóvember.

https://www.ruv.is/i-umraedunni/landsmenn-bera-mikid-traust-til-frettastofu-ruv

Tónlistarhátíð Rásar 1 haldin í þriðja sinn

Kolbrún Vaka Helgadóttir — Sun, 24 Nov 2019 15:31:54 +0000

Orðin hljóð er yfirskrift tónlistarhátíðar Rásar 1 sem haldin var í Hörpu laugardaginn 23. nóvember.

Þetta var í þriðja sinn sem hátíðin var haldin en listrænn stjórnandi hennar í ár var Daníel Bjarnason. Frumflutt voru fjögur verk sem sérstaklega voru pöntuð fyrir hátíðina og tengdust þema hennar, en tónskáldin völdu hvert sitt ljóðskáld til samvinnu. Verkin á tónleikunum voru afrakstur þessa samstarfs þar sem tónskáldin unnu með textann á ýmsan hátt og flétta hann við tónlist sína bæði sem söng og upplestur.

https://www.ruv.is/i-umraedunni/tonlistarhatid-rasar-1-haldin-i-thridja-sinn

Skýrsla Ríkisendurskoðunar undirstrikar mikilvægi aðgerða undanfarinna ára til að efla RÚV

Kolbrún Vaka Helgadóttir — Wed, 20 Nov 2019 14:31:20 +0000

RÚV fór yfir skýrslu Ríkisendurskoðunar um rekstur og aðgreiningu rekstrarþátta sem kom út þann 20. nóvember.

Skýrslan staðfestir margt sem stjórn og stjórnendur RÚV hafa áður vakið athygli á og undirstrikar þann mikla árangur sem orðið hefur af aðgerðum undanfarinna ára til að styrkja rekstur RÚV og efla almannaþjónustuhlutverk þess.

http://ruv.is/i-umraedunni/skyrsla-rikisendurskodunar-undirstrikar-mikilvaegi-adgerda-undanfarinna-ara-til-ad-efla

Magnús Geir Þórðarson lét af stöfum sem útvarpsstjóri

Kolbrún Vaka Helgadóttir — Fri, 15 Nov 2019 14:28:37 +0000

Magnús Geir Þórðarson lét af stöfum sem útvarpsstjóri þann 15. nóvember og Margrét Magnúsdóttir skrifstofustjóri RÚV tók við sem starfandi útvarpsstjóri.

https://www.ruv.is/i-umraedunni/tilkynning-fra-stjorn-rikisutvarpsins-ohf

RÚV birti öll samskipti fréttamanna og fréttastjóra RÚV við Samherja

Kolbrún Vaka Helgadóttir — Wed, 13 Nov 2019 14:25:42 +0000

Vegna fullyrðinga forstjóra Samherja hf. í fjölmiðlum um að RÚV hafi nálgast fyrirtækið á fölskum forsendum, hafnað fundarbeiðni og ekki sinnt hlutleysisskyldu sinni við vinnslu á fréttaskýringaþættinum Kveik í gærkvöld taldi RÚV ástæðu til að birta öll samskipti fréttamanna og fréttastjóra RÚV við Samherja. Samskiptin er að finna á vef Kveiks.

https://www.ruv.is/i-umraedunni/yfirlysing-kveiks-vegna-samskipta-vid-samherja

Norrænt sjónvarpsefni í blóma

Kolbrún Vaka Helgadóttir — Fri, 01 Nov 2019 13:51:29 +0000

Leikið norrænt sjónvarpsefni hefur aldrei verið í eins miklum blóma og þykir með því frambærilegasta sem gert er í heiminum. Sýningar á norrænu efni á RÚV hefur aukist um 55% síðan 2014.

https://www.ruv.is/i-umraedunni/norraent-sjonvarpsefni-i-bloma