RÚV | Ársskýrsla |

Bára Halldórsdóttir, manneskja ársins á Rás 2

Kolbrún Vaka Helgadóttir — Mon, 31 Dec 2018 00:00:04 +0000

Hlustendur Rásar 2 völdu Báru Halldórsdóttur manneskju ársins. Bára tók upp samtal sex þingmanna á barnum Klaustri 20. nóvember 2018. Tilkynnt var um niðurstöðu kosningar á manneskju ársins í þættinum Á síðustu stundu á Rás 2 á gamlársdag.
http://www.ruv.is/i-umraedunni/bara-halldorsdottir-manneskja-arsins-a-ras-2

Ófærð II frumsýnd

Kolbrún Vaka Helgadóttir — Wed, 26 Dec 2018 00:00:02 +0000

Önnur þáttaröð Ófærðar hóf göngu sína á RÚV annan í jólum. Íslendingar fengu fyrstir allra að berja nýju þættina augum en þeir fóru ekki í sýningu í öðrum löndum fyrr en eftir áramót. Þættirnir, sem eru tíu talsins, voru sýndir á sunnudagskvöldum fram í febrúar.
http://www.ruv.is/i-umraedunni/ofaerd-ii-frumsynd-a-annan-i-jolum

Vegleg hátíðardagskrá í öllum miðlum

Kolbrún Vaka Helgadóttir — Sun, 23 Dec 2018 00:00:06 +0000

Boðið var upp á veglega dagskrá á öllum miðlum RÚV yfir hátíðarnar. Lögð var sérstök áhersla á vandað og skemmtilegt dagskrárefni fyrir alla fjölskylduna, framúrskarandi erlendar kvikmyndir og metnaðarfullt menningarefni.
http://www.ruv.is/i-umraedunni/hatidardagskra-rikisutvarpsins-yfir-jol-og-aramot

Aðventugleði Rásar 2

Kolbrún Vaka Helgadóttir — Fri, 07 Dec 2018 00:00:07 +0000

Rás 2 bauð landsmönnum til aðventugleði föstudaginn 7. desember. Þétt jóladagskrá var í loftinu frá klukkan 9 til 16, þar sem fjöldi landsþekktra tónlistarmanna kom við og tók lagið í beinni útsendingu á Rás 2 og í hljóði og mynd á RÚV.is.
http://www.ruv.is/i-umraedunni/adventugledi-rasar-2-fostudaginn-7-desember

Flateyjargátan frumsýnd

Kolbrún Vaka Helgadóttir — Sun, 18 Nov 2018 00:00:03 +0000

Flateyjargátan er ný, íslensk spennuþáttaröð í fjórum hlutum sem frumsýnd var á RÚV sunnudaginn 18. nóvember. Árið 1971 snýr Jóhanna aftur til Íslands, eftir 10 ára dvöl í París, til að jarða föður sinn sem helgað hafði líf sitt rannsóknum á hinni óleystu Flateyjargátu. Flateyjargátan var framleidd af Reykjavik Films og Sagafilm í samstarfi við RÚV.
http://www.ruv.is/i-umraedunni/flateyjargatan-ny-islensk-spennuthattarod-hefst-sunnudaginn-18-november-a-ruv

Með gat í hjartanu í laginu eins og Guð

Kolbrún Vaka Helgadóttir — Sat, 03 Nov 2018 00:00:58 +0000

Glænýtt íslenskt heimildaverk eftir Jón Atla Jónasson í leikstjórn Egils Heiðars Antons Pálssonar var flutt á Rás 1. Fjallað um var atburði sem farið höfðu leynt innan kaþólsku kirkjunnar á Íslandi. Verkið var unnið í samstarfi við Borgarleikhúsið og var tekið upp með áhorfendum á Nýja sviði Borgarleikhússins.
http://www.ruv.is/i-umraedunni/med-gat-a-hjartanu-i-laginu-eins-og-gud

Málþing RÚV – Næst á dagskrá

Kolbrún Vaka Helgadóttir — Thu, 01 Nov 2018 00:00:45 +0000

Börn, ungt fólk og miðlun til framtíðar var í brennidepli á fjölmennu málþingi RÚV, Næst á dagskrá, sem haldið var í aðalmyndveri RÚV í byrjun nóvember. Fjallað var um lífsstíl og miðlanotkun yngri kynslóða, stefnu og þjónustu RÚV auk þess sem framúrskarandi erlendir gestir miðluðu af reynslu sinni.
http://www.ruv.is/i-umraedunni/naest-a-dagskra

Höfundar áramótaskaupsins opinberaðir

Kolbrún Vaka Helgadóttir — Tue, 16 Oct 2018 00:00:22 +0000

Höfundar Áramótaskaupsins 2018 voru þau Ilmur Kristjánsdóttir, Jón Gnarr, Katla Margrét Þorgeirsdóttir, Katrín Halldóra Sigurðardóttir, Sveppi og Arnór Pálmi Arnarson sem einnig leikstýrði, annað árið í röð.
http://www.ruv.is/i-umraedunni/hofundar-aramotaskaupsins-opinberadir

Nýtt fréttamyndver tekið í notkun

Kolbrún Vaka Helgadóttir — Fri, 21 Sep 2018 00:00:31 +0000

Nýtt fréttamyndver var tekið í notkun þegar kvöldfréttir voru í fyrsta sinn sendar þaðan út. Myndverið gjörbreytir aðstöðu fréttastofunnar. Sérhæft, sjálfstætt myndver gefur fréttastofunni færi á snarpari viðbrögðum, eykur hagkvæmni í rekstri og möguleika í framleiðslu.
http://www.ruv.is/i-umraedunni/nytt-frettamyndver-ruv

Þátttaka RÚV í Ísrael staðfest

Kolbrún Vaka Helgadóttir — Thu, 13 Sep 2018 00:00:43 +0000

RÚV tók ákvörðun að taka enn á ný þátt í Söngvakeppni evrópskra sjónvarpsstöðva, Eurovision, sem verður næst haldin í borginni Tel Aviv í Ísrael í maí 2019. Hvatning hafði borist stofnuninni um að sniðganga keppnina að þessu sinni vegna ástandsins á Gaza og átaka milli Ísraela og Palestínumanna. RÚV fór vandlega yfir málið og ákvað að ganga í takt við aðra almannaþjónustumiðla á Norðurlöndum. Vó þar þyngst að ekki er um pólitískan viðburð að ræða, heldur samkomu ólíkra þjóða sem allt frá stofnun hefur haft að megintilgangi og leiðarljósi að breiða út boðskap sameiningar- og friðar.
http://www.ruv.is/i-umraedunni/thatttaka-i-eurovision-2019-i-tel-aviv